វិធីព្យាបាលមុន ដោយពន្លឺ (Light Therapy)
លោកអ្នកប្រហែលជាដឹងថា មុននៅលើមុខ ដែលមានស្នាមក្រហម និងហើម បង្កឡើងដោយបាក់តេរី។ បាក់តេរី បង្កមុនប្រភេទនេះ អាចងាប់នៅក្រោមពន្លឺ និងកម្ដៅ។ ដោយបច្ចេកវិទ្យា បានលូតលាស់យ៉ាងរហ័ស គេបង្កើតបច្ចេកវិទ្យា ព្យាបាលមុន ដោយប្រើពន្លឺ ដែលគេហៅថា Light Therapy។ ក្នុងវិធីនេះ គេប្រើពន្លឺពណ៌ខៀវ ពណ៌ក្រហម ឬរួមផ្សំទាំង ២ពណ៌ ក្នុងពេលតែមួយ។ កាន់តែពិសេសនោះ គឺវិធីព្យាបាលនេះ មានសុវត្ថិភាព និងមិនបង្កផលប៉ះពាល់ធ្ងន់ធ្ងរ ដល់ស្បែកមុខនោះឡើយ។
អត្ថប្រយោជន៍ នៃវិធីព្យាបាលមុន ដោយពន្លឺ៖
១. អាចសម្លាប់បាក់តេរី ដែលបង្កមុន
២. ផ្ចិតរន្ធញើស ដែលជួយកាត់បន្ថយការផលិតជាតិខ្លាញ់
៣. មានសុវត្ថិភាព
៤. មិនបង្កផលវិបាករយៈពេលយូរ
៥. មិនត្រូវការថ្នាំអង់ទីប៊ីយោទិច ឬថ្នាំដទៃ
៦. អាចព្យាបាលបានគ្រប់ទីតាំង លើដងខ្លួន
៧. មានសុវត្ថិភាព ស្របពេលអ្នកព្យាបាលមុន ដោយវិធីច្រើនប្រភេទផ្សេងទៀត
៨. មិនបង្កស្លាកស្នាម
ផលប៉ះពាល់៖
១. មុខមានស្នាមក្រហម
២. ស្បែកមុខប្រេះ របក
៣. ស្បែកមុខប្រែពណ៌
៤. ស្បែកមុខប្រតិកម្មនឹងពន្លឺថ្ងៃ
៥. មានការឈឺចាប់
ប្រភព៖ Mayo Clinic II https://www.mayoclinic.org/ & Medical News Today II https://www.medicalnewstoday.com/
រក្សាសិទ្ធិ©ដោយ៖ ពេទ្យយើង