តើជំងឺថប់បារម្ភ អាចប៉ះពាល់អាយុជីវិត ដែរ ឬទេ ប្រសិនបើមិនព្យាបាល?
មនុស្សភាគច្រើន ស្ទើរតែគ្រប់គ្នា មានបទពិសោធន៍ថប់បារម្ភ ប៉ុន្តែវាអាចធ្ងន់ធ្ងរដល់កម្រិតមួយ គួរឲ្យភ័យព្រួយ។ នៅពេលវាមានអាការៈធ្ងន់ធ្ងរ វានឹងនាំមកនូវផលវិបាកជាច្រើន រួមទាំងធ្វើឲ្យអ្នកបាត់បង់គុណភាពជីវិតធ្ងន់ធ្ងរ ក៏ដូចជា មានអារម្មណ៍ ថាវាកំពុងឆក់យកជីវិតអ្នកអញ្ចឹង។ ក្នុងករណី ដែលអ្នកជួបបញ្ហាបែបនេះ អ្នកមិនគួរមើលរំលងការស្វែងរកជំនួយនោះទេ។
តើជំងឺថប់បារម្ភជាអ្វី?
វាគឺជាអារម្មណ៍មួយ ដែលយើងអាចសម្គាល់បាននូវលក្ខណៈមួយចំនួន ដូចជា មានអារម្មណ៍តានតឹង បារម្ភខ្លាំង និងមានការប្រែប្រួលរូបរាងកាយ ក្នុងនោះ គឺមានការឡើងសម្ពាធឈាម ជាដើម។ អារម្មណ៍បែបនេះ កើតមានឡើងជាញឹកញាប់ ឥតឈប់ឈរ មានការព្រួយបារម្ភ មិនដដែលៗ និងធ្វើឲ្យមិនអាចផ្ដោតអារម្មណ៍បាននោះទេ។
រោគសញ្ញានៃជំងឺថប់បារម្ភ៖
១. អារម្មណ៍ដ៏ស្មុគស្មាញ មិនអាចគ្រប់គ្រងបាន
២. មិនបានសម្រាក
៣. ចង្វាក់បេះដូងកើនឡើង
៤. ដង្ហើមខ្លី ឬមានអារម្មណ៍ថា គាបបំពង់ក
៥. ស្ងួតមាត់
៦. ឈឺចុកទ្រូង
៧. ឈឺក្បាល
៨. ក្អួតចង្អោរ
៩. ញ័រញាក់
១០. បែកញើស ឬរងារញាក់ ភ្លាមៗ
ផលប៉ះពាល់រយៈពេលយូរ៖
១. ហានិភ័យនៃការវិវត្តជំងឺបេះដូង
២. ចង្វាក់បេះដូង លោតញាប់
៣. សម្ពាធឈាមខ្ពស់
៤. ភាពប្រែប្រួលចង្វាក់បេះដូង អន់ខ្សោយ
៥. ប៉ះពាល់ខួរក្បាល ងាយនឹងកើតជំងឺវង្វេង
ការភ័យស្លន់ស្លោ៖
ការភ័យស្លន់ស្លោ មានការពាក់ព័ន្ធយ៉ាងស្អិតរមួតនឹងជំងឺថប់បារម្ភ។ អ្នកដែលមានអាការៈភ័យស្លន់ស្លោ តែងគិតថា ខ្លួនកំពុងស្លាប់ ព្រោះវាមានរោគសញ្ញាជាច្រើន ដូចជំងឺគាំងបេះដូងដែរ។
រោគសញ្ញានៃការភ័យស្លន់ស្លោ៖
១. ចុកទ្រូងភ្លាមៗ
២. ញ័របេះដូងខ្លាំងៗ
៣. បែកញើសស្រាកៗ
៤. ដង្ហើមខ្លី
វិធីព្យាបាលជំងឺថប់បារម្ភ៖
១. ជួបវេជ្ជបណ្ឌិត៖ ដើម្បីសិក្សាស្វែងរកមូលហេតុបង្ក និងព្យាបាលទៅតាមវិជ្ជាជីវៈ
២. ធ្វើអារម្មណ៍ឲ្យស្ងប់ និងធូរស្រាល៖ សមាធិ ហាត់យ៉ូហ្កា ដើរលំហែកាយ ឬឈប់ផ្ដោតអារម្មណ៍លើកត្តាបង្កបញ្ហា
៣. កាត់បន្ថយជាតិអាល់កុល និងជាតិកាហ្វេអ៊ីន៖ សារជាតិទាំងនេះធ្វើឲ្យអ្នកថប់បារម្ភ កាន់តែខ្លាំង
៤. ហាត់ប្រាណឲ្យបានរៀងរាល់ថ្ងៃ៖ វាអាចបញ្ចេញជាតិ Endorphin ល្អសម្រាប់បង្កើនចង្វាក់បេះដូង
៥. គេងឲ្យបានគ្រប់គ្រាន់៖ កាត់បន្ថយ និងការពារការកកកុញ អារម្មណ៍ស្ត្រេស
៦. ដកដង្ហើមឲ្យបានវែងៗ៖ នៅពេលថប់បារម្ភ ឬភ័យស្លន់ស្លោរ អ្នកដកដង្ហើមវែងៗ រាប់ ១ដល់១០ និងសមាធិ
៧. សិក្សាអំពីមូលហេតុបង្ក៖ ស្វែងយល់ពីពេលវេលា ឬកត្តាដែលញ៉ាំងឲ្យអ្នកមានអារម្មណ៍បែបនេះ ព្រោះវាអាចជួយឲ្យអ្នកគ្រប់គ្រងអារម្មណ៍បានល្អជាងមុន
ប្រភព៖ Verywellmind II https://www.verywellmind.com/
រក្សាសិទ្ធិ©ដោយ៖ ពេទ្យយើង