រោគសញ្ញានៃលទ្ធភាពគ្មានកូនរបស់នារីៗ

តើអ្នកធ្លាប់គិតភ័យទេថា អ្នកអាចនឹងជួបបញ្ហាគ្មានកូនដែរ ឬទេ? មិនមែនបំភ័យខ្លួននោះទេ ប៉ុន្តែការពារប្រសើរជាងព្យាបាល អ្នកគួរស្វែងយល់ និងតាមដានរោគសញ្ញានៃការគ្មានកូន ឲ្យបានជាក់លាក់។

រោគសញ្ញានៃលទ្ធភាពគ្មានកូន អាចជាអាការៈស្រដៀងៗ ដែលមនុស្សជាច្រើនជួបប្រទះ។ នេះអាចបង្កភាពស្ត្រេស ក្នុងការតាមដាន ហើយអ្នកអាចដឹងបាន​អំពី​លទ្ធភាព លុះត្រាតែអ្នកព្យាយាមបង្កកំណើត។

ប្រសិនបើនារីៗ ជួបរោគសញ្ញាទាំងនេះ អ្នកគួរជួបពិនិត្យ និងព្យាបាលសុខភាព៖

១. ឈឺចាប់ក្នុងពេលរួមដំណេក

២. មករដូវធ្ងន់ធ្ងរ រយៈពេលយូរ និងឈឺចាប់

៣. ឈាមរដូវមានពណ៌ងងឹត ឬស្លេក

៤. វដ្ដរដូវមិនទៀងទាត់

៥. បម្រែបម្រួលអ័រម៉ូនខ្លាំង

៦. មានបញ្ហាសុខភាពប្រចាំកាយ៖ ខូចបំពង់អូវែ អស់រដូវមុនអាយុ រោគសញ្ញាអ័រម៉ូនមិនប្រក្រតី (PCOS) រោគសញ្ញា Endometriosis ជំងឺមហារីក និងការព្យាបាលជំងឺមហារីក

៧. លើសទម្ងន់

៨. ស្ត្រី អាចគ្មាន​លទ្ធផល​បន្តពូជ ប្រសិនបើស្ត្រីព្យាយាម បង្កកំណើត រយៈពេលមួយឆ្នាំ​រួចមក ប៉ុន្តែមិនបានសម្រេច​។ មួយទៀត ប្រសិនបើស្ត្រីនោះ មានអាយុ ៣៥ឆ្នាំ តែមិនអាចមានកូនបាន បន្ទាប់ពីព្យាយាម​​អស់រយៈពេល ៦ខែ៕

ប្រភព៖ Medical News Today II https://www.medicalnewstoday.com/

រក្សាសិទ្ធិ©ដោយ៖ ពេទ្យយើង