វិធីហាត់ប្រាណទាំងនេះ ជួយបង្កើនមុខងារសួត

តិចនិក​សុខភាព និង ការរស់​នៅ​​ទូទៅ  |  Date: 2022-03-24

វិធី​ហាត់ប្រាណមួយចំនួន អាចជួយបង្កើនប្រសិទ្ធភាពសួត ក្នុងការបំពេញមុខងាររបស់វា សម្រាប់រាងកាយ។ វិធី​ហាត់ប្រាណទាំងនេះ អាចជួយកាត់បន្ថយ បញ្ហាដង្ហើមខ្លី ការឆ្លងមេរោគក្នុងផ្លូវដង្ហើម ជំងឺស្ទះផ្លូវដង្ហើមរ៉ាំរ៉ៃ ជំងឺហឺត ជាដើម ឬរោគសញ្ញាកូវីដ១៩ ផងដែរ។

វិធី​ហាត់​ប្រាណ ដែលជួយដល់មុខងារសួត៖

១. វិធីដកដង្ហើម​តាមបបូរមាត់៖

• អង្គុយដាក់ខ្លួនឲ្យត្រង់
• ដកដង្ហើមឲ្យបានវែងតាមច្រមុះ ក្នុងដំណើរយឺតៗ និងមានការគ្រប់គ្រង
• ធ្វើបបូរមាត់ស្រួច ដូចទម្រង់មាត់ថើប
• ដកដង្ហើមចេញតាមបបូរមាត់ (ដង្ហើមចេញ គួរមានរយៈពេល​វែងជាងដង្ហើមចូល ២ដង)

 

២. វិធី​​​ដក​​ដង្ហើម ដោយ​​សង្កេត​​មើលពោះ៖

• ដាក់ដៃ ឬសម្ភារៈស្រាលៗមួយ លើពោះ
• ដកដង្ហើមយឺតៗតាមច្រមុះ និងសម្គាល់ពីការបំប៉ោងនៃពោះ
• ដកដង្ហើមចេញ​តាមមាត់
• ដកដង្ហើម​ចូលតាមច្រមុះ និងព្យាយាមបំប៉ោងពោះ ឲ្យកាន់តែខ្លាំងជាងមុន
• ដកដង្ហើមចេញ​ ឲ្យបានវែងជាង​ដង្ហើមចូល ២ ទៅ ៣ដង
• យូរៗម្ដង រមូរស្មាទៅមុខទៅក្រោយ និងបង្វិលក្បាលទៅឆ្វេងស្ដាំ ដើម្បីកុំឲ្យមានសម្ពាធនៅបរិវេណខាងលើ នៃរាងកាយ
• អនុវត្ត ៥ ទៅ ១០នាទី ក្នុង ១ថ្ងៃ

 

៣. លំហាត់ប្រាណ ពង្រឹងសុខភាពរាងកាយ (ធ្ងន់ ឬស្រាល)

 

គន្លឹះសម្រាប់​ការបង្កើន និងការរក្សាសុខភាព​សួត៖

១. ជៀសវាងផ្សែងបារី

២. ទទួលទឹកឲ្យបានច្រើន

៣. ធ្វើចលនាឲ្យបានច្រើន

៤. ជួបវេជ្ជបណ្ឌិត ប្រសិនបើមានបញ្ហាដង្ហើម ឬបញ្ហាសួត

 

ប្រភព៖ Medical News Today II https://www.medicalnewstoday.com/

រក្សាសិទ្ធិ©ដោយ៖ ពេទ្យយើង