ការព្យាបាលបូសខ្ទុះ លើប្រដាប់ភេទស្ត្រី
បូសខ្ទុះ លើប្រដាប់ភេទស្ត្រី ជាដុំបូសពក ដែលមានខ្ទុះ នៅក្រោមស្បែកទ្វារមាស ហើយអាចរាលដាលដល់បរិវេណ ប្រដាប់ភេទស្ត្រីទាំងមូល។ វាចាប់ផ្ដើមពីដុំពកក្រហមតូច រួចវិវត្ត ក្នុងរយៈពេលប៉ុន្មានថ្ងៃ ទៅជាហើម មានការឈឺចាប់ និងមាននូវខ្ទុះពណ៌ស ឬលឿង។
ខ្ទុះទាំងនេះ កម្របង្កបញ្ហាគ្រោះថ្នាក់ណាស់ ហើយវានឹងបាត់ទៅវិញ ដោយឯងៗក្នុងរយៈពេល ១សប្ដាហ៍ ឬ២សប្ដាហ៍។ មនុស្សមួយចំនួនប្រហែលជាត្រូវការការព្យាបាលបែបវេជ្ជសាស្ត្រ ដើម្បីកាត់បន្ថយការឈឺចាប់ និងកាត់បន្ថយការឆ្លង រហូតដល់បាត់ខ្ទុះ។ ក្នុងករណីធ្ងន់ធ្ងរ វេជ្ជបណ្ឌិត អាចនឹងកាត់ខ្ទុះចេញ ដើម្បីបញ្ចេញមេរោគ។
ទាំងនេះ ជាវិធីព្យាបាលខ្ទុះ លើប្រដាប់ភេទស្ត្រី ដោយខ្លួនឯង៖
១. កុំញេច ឬចាក់ឲ្យធ្លាយ
២. ស្អំក្រណាត់សើម ក្ដៅឧណ្ណៗ
៣. ស្លៀកខោរលុងៗ
៤. លាបក្រមួន ដើម្បីឲ្យមានជាតិរំអិល ការពារការកកិតនឹងសម្លៀកបំពាក់ និងខោក្នុង
៥. ប្រើថ្នាំបំបាត់ការឈឺចាប់
អាការៈ ដែលបង្ហាញថា អ្នកគួរជួបវេជ្ជបណ្ឌិត៖
១. ក្ដៅខ្លួន
២. ក្ដៅរងារ ឬបែកញើស
៣. ដុំពកវិវត្តលឿន
៤ .ដុំពក មានការឈឺខ្លាំង
៥. ដុំពក មានទំហំធំជាង ២អ៊ីញ
៦. ឡើងខ្ទុះនៅលើមុខ
៧. ខ្ទុះមិនបាត់ រយៈពេល ២សប្ដាហ៍
៨. ខ្ទុះមានលាប់ឡើងវិញ ឬវិវត្តកាន់តែច្រើន
វិធីការពារការកើតខ្ទុះលើប្រដាប់ភេទ៖
១. ប្ដូរឡាមកោរញឹកញាប់
២. កុំប្រើឡាមកោររួមគ្នា
៣. កោររោម នៅក្នុងពេលងូតទឹក
៤. កោរស្របតាមទិសដៅ ដែលរោមដុះ
៥. បកស្បែកប្រដាប់ភេទ (ថ្នមៗ) ២ដង ក្នុង ១សប្ដាហ៍
៦. ញ៉ាំថ្នាំអង់ទីប្យូទិក
៧. ព្យាបាល ដោយសម្លាប់មេរោគ (ជាក់លាក់ណាមួយ) ដែលបង្កការឆ្លង ឬខ្ទុះ
ប្រភព៖ Healthline II https://www.healthline.com/
រក្សាសិទ្ធិ©ដោយ៖ ពេទ្យយើង