ជំងឺដុំសាច់មហារីកសួត Carcinoid
តើលោកអ្នកធ្លាប់លឺអំពីប្រភេទជំងឺមហារីក Carcinoid ដែរ ឬទេ? វាជាប្រភេទជំងឺមហារីកមួយប្រភេទ ដែលមានដុះដុំសាច់ នៅលើសួត។ ដុំសាច់ Carcinoid ជាប្រភេទជំងឺមហារីកកម្រមួយ ដែលអាចកើតឡើង ១% ទៅ ២% នៃជំងឺមហារីកប៉ុណ្ណោះ។ ដុំសាច់នេះ វិវត្តយឺតៗ នៅក្នុងកោសិកាពិសេសៗរួមមាន កោសិកាសរសៃប្រសាទអង់ដូគ្រីន ដែលស្ថិតនៅក្នុងសួត និងទូទាំងដងខ្លួន។
ប្រភេទនៃដុំសាច់មហារីក Carcinoid៖
១. ដុំសាច់ធម្មតា៖ ជាប្រភេទដុំសាច់ ដែលកើតមានញឹកញាប់ វិវត្តយឺតៗ និងមិនងាយសាយភាយ ក្រៅពីសួតនោះទេ
២. ដុំសាច់មិនធម្មតា៖ ជាប្រភេទដុំសាច់ ដែលវិវត្តលឿន និងងាយរាលដាលក្រៅពីសួត
មូលហេតុ និងបញ្ហាប្រឈម៖
១. អាយុ៖ វាអាចកើតឡើងលើមនុស្សគ្រប់វ័យ ប៉ុន្តែក្រុមអាយុ ៤៥ឆ្នាំ ទៅ ៥៥ឆ្នាំ ប្រឈមខ្លាំង
២. ភេទ៖ កើតឡើងញឹកញាប់លើស្ត្រី ជាងបុរស
៣. ជាតិសាសន៍៖ ជនជាតិស្បែកស កើតមានញឹកជាងជាតិសាសន៍ដទៃ
៤. ប្រវត្តិគ្រួសារ៖ អ្នកអាចប្រឈមនឹងការកើតដុំសាច់នេះ ប្រសិនបើគ្រួសារធ្លាប់កើតមាន
៥. ដុំសាច់ច្រើនក្នុងក្រពេញអង់ដូគ្រីន ប្រភេទ១៖ វាជារោគសញ្ញាដំណពូជ
រោគសញ្ញានៃដុំសាច់មហារីក Carcinoid៖
១. ក្អក (អាចក្អកចេញឈាម)
២. ដង្ហើមដង្ហក់
៣. ឈឺចុកទ្រូង
៤. ដង្ហើមខ្លី
ការធ្វើរោគវិនិច្ឆ័យ រកដុំសាច់មហារីក Carcinoid៖
១. ការសិក្សាស្វែងយល់ពីប្រវត្តិគ្រួសារ
២. ការថតពិនិត្យទ្រូង ដោយប្រើម៉ាស៊ីន X-ray
៣. ការថត CT ស្កេន ពិនិត្យសួត ថ្លើម និងសរីរាង្គផ្សេងៗ
៤. ការពិនិត្យឈាម និងទឹកនោម
៥. ការធ្វើកោសល្យវិច័យ (កាត់សាច់សួតមកពីនិត្យ ឬស៊កកាមេរ៉ាពិនិត្យមើលសួត)
វិធីព្យាបាលដុំសាច់មហារីក Carcinoid៖
១. វះកាត់
២. វិធីព្យាបាលដោយថ្នាំគីមី
៣. វិធីព្យាបាលដោយវិទ្យុសកម្ម
ប្រភព៖ WebMD II https://www.webmd.com/
រក្សាសិទ្ធិ©ដោយ៖ ពេទ្យយើង