បច្ចេកវិទ្យា ដែលជួយឲ្យកុមារ គេងលក់ស្រួល

ដំណេក គឺជារឿងសំខាន់ចម្បង សម្រាប់សុខភាពរបស់មនុស្ស។ ប៉ុន្តែក្នុងសម័យអ៊ីនធើណែត បច្ចេកវិទ្យាបានប៉ះពាល់ដល់ការគេងយ៉ាងគំហុក ជាពិសេសទៅលើកុមារ។ ការសិក្សា ក្នុងឆ្នាំ​២០១៨ បានបង្ហាញថា កុមារក្នុងប្រទេសអង់គ្លេស មានបញ្ហាដំណេក ដោយសារកំណើនប្រព័ន្ធសង្គម និងទម្លាប់ថែសុខភាពមិនល្អ។ ប៉ុន្តែតើអ្នកដឹងទេថា មានបច្ចេកវិទ្យាក៏មានចំនុចវិជ្ជមាន សម្រាប់ការគេងផងដែរ។ មានបច្ចេកវិទ្យាជាច្រើន ដែលពេទ្យយើងនឹងណែនាំជូនលោកអ្នក ដែលត្រូវបានបង្កើតឡើង ​ដើម្បីជួយការគេង។

១. ឧបករណ៍ពាក់ដៃតាមដានការគេង៖ ជាប្រភេទខ្សែដៃអេឡិចត្រូនិច ដែលកំណត់សម្គាល់ និងរក្សាព័ត៌មាននៃសកម្មភាពកុមារ។ ព័ត៌មាននេះ នឹងត្រូវបានផ្ញើទៅកាន់កម្មវិធី ឬគេហទំព័រគ្រប់គ្រងទិន្នន័យមួយ ដែលអាណាព្យាបាល និងកុមារអាចតាមដានបាន។ ការតាមដានសម្មភាព ដែលបានធ្វើ ជួយឲ្យងាយស្រួលធ្វើការកំណត់ ឬកែប្រែទម្លាប់ ដើម្បីឲ្យគេងបានប្រសើរ។

២.​ កម្មវិធីគេងសម្រាប់កុមារ៖ កម្មវិធីគេង មានភ្ជាប់មុខងារចាក់ចម្រៀង រឿងនិទាន និងសមាធិ ដើម្បីជួយឲ្យកុមារគេងស្ងប់។

៣. បច្ចេកវិទ្យាភ្លើង៖​ មានបច្ចេកវិទ្យាភ្លើងជាច្រើន ត្រូវបានបង្កើត ក្នុងនោះ រួមមាន អំពូលដែលភ្ជាប់ទៅទូរស័ព្ទដៃ ដើម្បីដំឡើង បន្ថយ និងបិទភ្លើង អំពូលដែលអាចធ្វើត្រាប់តាមពន្លឺព្រះអាទិត្យ អំពូលដែលមានសំឡេងដាស់ពីដំណេក និងភ្លើង ដែលបង្ហាញចេញជារូបភាព ចាក់ភ្លេង ជាដើម។

៤. ម៉ាស៊ីនចាក់សំឡេងស្ងប់៖ ម៉ាស៊ីនទាំងនេះ ត្រូវបានបង្កើតឡើង ដើម្បីចាក់ភ្លេងស្ងប់ៗ លុបបំបាត់សំឡេងរំខានផ្សេងៗ។

៥. ឧបករណ៍ភ្ជាប់នៅគ្រែ៖ បច្ចេកវិទ្យាទាំងនេះ មាន​ពីរប្រភេទ។ ទីមួយ គឺ​ឧបករណ៍ភ្ជាប់នឹងកម្រាលពូក ដែលអាចតាមដានការបម្លាស់ទី និងសំឡេងរបស់កុមារ។ ទីពីរគឺ ឧបករណ៍ខ្នើយគេងវៃឆ្លាត ដែលអាចតាមដានការស្រមុករបស់កុមារ ល្អក្នុងការការពារកុមារពីការស្ទះដង្ហើម ជាដើម។

៦. ម៉ាស៊ីនបន្សុទ្ធខ្យល់៖ ម៉ាស៊ីននេះ អាចជួយឲ្យកុមារ មានប្រព័ន្ធដង្ហើមប្រសើរជាងមុន នៅពេលគេង។

៧. កាស់សម្រាប់ការគេង៖ ប្រភេទកាស់ទាំងនេះ ជួយកាត់បន្ថយសំឡេងជុំវិញ និងអាចឱ្យកុមារ ស្តាប់​រឿងនិទាន ឬភ្លេងសមាធិ៕

ប្រភព៖ Slumber Yard II https://myslumberyard.com/

រក្សាសិទ្ធិ©ដោយ៖ ពេទ្យយើង