ស្ត្រីដំបូងនៅលើពិភពលោកទទួលការព្យាបាលជំងឺអេដស៍ដោយជោគជ័យ
អ្នកជំងឺអាមេរិកម្នាក់ត្រូវបានគេជឿថាជាមនុស្សទីបីក្នុងពិភពលោក និងជាស្ត្រីទីមួយដែលបានព្យាបាលមេរោគអេដស៍ជាសះស្បើយ។
បច្ចុប្បន្ន ស្ត្រីរូបនេះកំពុងព្យាបាលជំងឺមហារីកឈាម បន្ទាប់ពីនាងបានទទួលការផ្លាស់ប្តូរកោសិកាដើមរបស់នាងដែល មានមេរោគអេដស៍។ កោសិកានេះនាងបានទទួលពី ការបរិច្ចាគរបស់មនុស្សម្នាក់។
តាមការចុះផ្សាយរបស់ BBC News ស្ត្រីរូបនេះបានរួចផុតពីមេរោគអេដស៍នេះអស់រយៈពេល ១៤ ខែហើយ។
អ្នកជំនាញនិយាយថា វិធីសាស្ត្រប្តូរសរីរាង្គដែលបានប្រើ ពាក់ព័ន្ធនឹងឈាមទងផ្ចិត គឺមានគ្រោះថ្នាក់ខ្លាំងណាស់ ប៉ុន្តែវាសមស្របសម្រាប់មនុស្ស ដែលមានផ្ទុកមេរោគអេដស៍។
ករណីរបស់អ្នកជំងឺនេះត្រូវបានបង្ហាញនៅក្នុងសន្និសីទវេជ្ជសាស្ត្រនៅទីក្រុង Denver កាលពីថ្ងៃអង្គារ ហើយជាលើកដំបូងដែលវិធីសាស្ត្រនេះត្រូវបានគេដឹងថាត្រូវបានប្រើប្រាស់ជាមុខងារព្យាបាលមេរោគអេដស៍។
អ្នកជំងឺបានទទួលការប្តូរឈាមទងផ្ចិត ដែលជាផ្នែកមួយនៃការព្យាបាលជំងឺមហារីករបស់នាង ហើយចាប់តាំងពីពេលនោះមក ក្រុមគ្រូពេទ្យមិនចាំបាច់ផ្តល់ ការព្យាបាលដោយថ្នាំប្រឆាំងមេរោគអេដស៍ដល់នាងទៀតនោះទេ។
ករណីនេះជាលទ្ធផលមួយនៃការសិក្សាដ៏ធំរបស់សហរដ្ឋអាមេរិកចំពោះអ្នកផ្ទុកមេរោគអេដស៍ ដែលបានទទួលការប្តូរឈាមប្រភេទដូចគ្នា ដើម្បីព្យាបាលជំងឺមហារីក និងជំងឺធ្ងន់ធ្ងរនេះ។
កោសិកាដែលបានប្តូរចំពោះ ស្ត្រីខាងលើជាហ្សែនជាក់លាក់មួយដែលមានន័យថាពួកគេមិនអាចឆ្លងមេរោគអេដស៍បានទេ។
យោងតាមលទ្ធផលជាកស្តែង អ្នកវិទ្យាសាស្ត្រជឿថា ប្រព័ន្ធភាពស៊ាំរបស់អ្នកទទួលកោសិកានេះ អាចបង្កើតភាពសុំា នឹងមេរោគអេដស៍បាន។
ការប្តូរកោសិកាដើមត្រូវបានបង្ហាញក្នុងឆ្នាំ ២០០៧ នៅពេលដែលលោក Timothy Ray Brown គឺជាមនុស្សដំបូងគេដែលត្រូវបាន ព្យាបាលជាពីមេរោគអេដស៍។ គាត់បានទទួលការវះកាត់ប្តូរកោសិកាពីអ្នកផ្តល់ជំនួយបរិច្ចាគ ដែលធន់នឹងមេរោគអេដស៍ពីធម្មជាតិ។
ចាប់តាំងពីពេលនោះមក វិធីសាស្ត្រនេះត្រូវបានធ្វើម្តងទៀត ជាមួយលោកAdam Castillejo និង អ្នកជំងឺផ្សេងទៀតនៅញូវយ៉ក។
អ្នកទាំងបីមានជំងឺមហារីក ហើយត្រូវការការប្តូរកោសិកាដើម ដើម្បីសង្គ្រោះជីវិតរបស់ពួកគេ។ ការព្យាបាលមេរោគអេដស៍របស់ពួកគេមិនមែនជាគោលដៅចម្បងឡើយ ហើយការព្យាបាលគឺប្រថុយប្រថានខ្លាំង។
ការព្យាបាលតាមរយៈការផ្លាស់ប្តូរកោរសិកាត្រូវបានគេជឿជាក់ថាអាចរកបាន និងធ្វើបានយ៉ាងទូលំទូលាយពីការបរិច្ចាគ។
ទោះជាយ៉ាងណាក៏ដោយ លោកស្រី Sharon Lewin ប្រធានសមាគមជំនួយអន្តរជាតិដែលជាប់ឆ្នោតកាលពីថ្មីៗនេះបានព្រមានថាវិធីសាស្ត្រប្តូរសរីរាង្គដែលប្រើក្នុងករណីនេះនឹងមិនអាចព្យាបាលបានសម្រាប់អ្នកជំងឺ អេដស៍ទំាងអស់នោះទេ។
ប៉ុន្តែលោកស្រីបានបន្ថែមថា« ការព្យាបាលសម្រាប់អ្នកជំងឺមានផ្ទុកមេរោគអេដស៍ គឺអាចធ្វើទៅបាន និងពង្រឹងបន្ថែមទៀតដោយប្រើការព្យាបាលដោយប្រើប្រាស់ហ្សែនជាយុទ្ធសាស្រ្តដើម្បី សម្រេចបានជោគជ័យសម្រាប់ការព្យាបាលមេរោគអេដស៍នេះ»៕
ប្រភព៖BBC https://www.bbc.com/news/health-60394306
រក្សាសិទ្ធិ©ដោយ៖ ពេទ្យយើង