មុនធ្វើតេស្ត Endoscopy តើអ្នកគួររៀបចំខ្លួនបែបណា?

វិធីធ្វើតេស្ត Endoscopy គឺជាវិធីវេជ្ជសាស្ត្រ ដែលអនុវត្ត សម្រាប់ពិនិត្យសរីរាង្គ និងសរសៃឈាមខាងក្នុងរាងកាយ ដើម្បី​ធ្វើរោគវិនិច្ឆ័យ។ ​ក្នុងការអនុវត្តវិធីនេះ វេជ្ជបណ្ឌិត ប្រើបំពង់តូច ភ្ជាប់ជាមួយកាមេរ៉ាតូចមួយ នៅខាងចុង សម្រាប់ថតពិនិត្យរូបភាពផ្នែកខាងក្នុង។ វេជ្ជបណ្ឌិតស៊កបំពង់នោះ ចូល​តាមមាត់របស់អ្នកជំងឺ ឬតាមចំណុចមួយ ដែលពេទ្យវះ ដើម្បីយកប្រហោង។ ប៉ុ​ន្តែមុនទទួលការពិនិត្យ Endoscopy តើអ្នកគួរត្រៀមខ្លួន បែបណា ឲ្យបានរួចរាល់គ្រប់ជ្រុងជ្រោយ?

អ្វីដែលអ្នកត្រូវរៀបចំ មុនពិនិត្យ Endoscopy៖

១. ពិភាក្សាពីបញ្ហាសុខភាពរបស់អ្នក ជាមួយវេជ្ជបណ្ឌិត៖ ក្នុងករណីអ្នកមានផ្ទៃពោះ ឬជំងឺផ្សេងៗ អ្នកត្រូវពិចារណា

២. ប្រាប់វេជ្ជបណ្ឌិត អំពីថ្នាំ ដែលអ្នកទទួលទាន និងប្រភេទអាលែកហ្ស៊ី ដែលអ្នកមាន៖ វានឹងជួយអ្នកជៀសវាងបញ្ហាសុខភាពផ្សេងៗ ពាក់ព័ន្ធនឹងដំណើរការតេស្តនេះ

៣. យល់ដឹងឲ្យបានច្បាស់អំពី​ហានិភ័យនៃដំណើរការតេស្ត

៤. គួរមានមនុស្សម្នាក់ទៀត​ ជូនអ្នកទៅមក បន្ទាប់ពីធ្វើតេស្តរួច៖ ព្រោះក្រោយពេលធ្វើតេស្ត អ្នកអាចមានអារម្មណ៍មិនមូល ដោយសារការប្រើថ្នាំ សម្រាប់ការធ្វើតេស្ត

៥. កុំញ៉ាំអាហារ ឬផឹកទឹក នៅពេលយប់ មុនធ្វើតេស្ត

៦. ស្លៀកពាក់ឲ្យមាន​ផាសុកភាព

៧. ទុកពេលវេលា សម្រាប់ឲ្យអ្នកស្បើយពីការធ្វើតេស្ត៖ បន្ទាប់ពីធ្វើតេស្ត អ្នកអាចឈឺបំពង់ក ឬឈឺស្នាមវះ ហើយអ្នកត្រូវការពេលវេលា សម្រាប់​ឲ្យការឈឺចាប់ជាសះស្បើយ។ ក្នុងពេលនោះ អ្នកគួរសម្រាកពីការងារ ឬកិច្ចការសំខាន់ណាមួយ ក្នុងរយៈពេលខ្លីមួយសិន៕

ប្រភព៖ Healthline II https://www.healthline.com/

រក្សាសិទ្ធិ©ដោយ៖ ពេទ្យយើង