បាត់បង់រសជាតិ គួរធ្វើបែបណា?
តើអ្នកធ្លាប់ជួបប្រទះបញ្ហា បាត់បង់រសជាតិដែរទេ? ភ្លក់ ឬញ៉ាំ មិនដឹងរសជាតិផ្អែមមុត ឬរសជាតិអ្វីសោះ? ការចុះខ្សោយ ឬបាត់បង់សមត្ថភាពសម្គាល់រសជាតិ អាចមានទំនាក់ទំនងនឹងបញ្ហាច្រើន ជាពិសេសបញ្ហាសុខភាពធ្ងន់ធ្ងរផងដែរ។ អានអត្ថបទនេះ ដើម្បីស្វែងយល់ពីមូលហេតុ វិធីព្យាបាល និងវិធីបង្ការ។
មូលហេតុបង្ក៖
១. រោគសញ្ញា Ageusia៖ រោគសញ្ញាកម្រ ដែលបង្កការបាត់បង់រសជាតិ។ វាកើតមានលើ ៣% នៃមនុស្សទាំងអស់ ដែលប្រឈមនឹងការបាត់បង់រសជាតិ។
២. រោគសញ្ញា Dysgeusia៖ រោគសញ្ញាមួយ ដែលធ្វើឲ្យមនុស្សមានរសជាតិមួយជាប់ក្នុងមាត់ និងមិនអាចកំណត់រសជាតិដទៃ។ រសជាតិមួយនោះ អាចជារសជាតិបែបស្អុយ ជូរ ចត់ ប្រៃ ឬដូចដែក។
៣. រោគសញ្ញា Hypogeusia៖ រោគសញ្ញា ដែលធ្វើឲ្យមនុស្សម្នាក់ បាត់បង់ការសម្គាល់រសជាតិអ្វីមួយ មិនទាំងស្រុង។ គេអាចពិបាកសម្គាល់រសជាតិ ល្វីង ប្រៃ ជូរ ឬផ្អែម។
៤. ផ្ដាសាយ
៥. កូវីដ១៩
៦. ឆ្លងមេរោគក្នុងច្រមុះ
៧. ឆ្លងមេរោគក្នុងត្រចៀក
៨. គ្មានអនាម័យ ឬមានបញ្ហាមាត់ធ្មេញ
៩. ប្រឈមនឹងសារជាតិគីមី ដូចជាថ្នាំសម្លាប់សត្វល្អិតជាដើម
១០. ការវះកាត់មាត់ បំពង់ក ច្រមុះ ឬត្រចៀក
១១. របួសក្បាល
១២. ទទួលការព្យាបាលបែបវិទ្យុកម្ម (ព្យាបាលមហារីក)
១៣. អាយុកាន់តែច្រើន
១៤. ជក់បារី
១៥. ការលូតលាស់រន្ធច្រមុះ
១៦. ជំងឺអាល់ហ្សៃមឺរ ឬជំងឺផាកឃីនសុន
១៧. ថ្នាំវេជ្ជសាស្ត្រ៖ ថ្នាំសម្លាប់មេរោគ ថ្នាំអង់ទីអ៊ីស្តាមីន ថ្នាំគីមី សម្រាប់ព្យាបាលជំងឺ ។ល។
វិធីព្យាបាល៖
១. ស្វែករកជំងឺ ឬអាការៈ ដែលជាមូលហេតុបង្ក និងធ្វើការព្យាបាល
២. ផ្ដាច់បារី
៣. បង្កើនអនាម័យមាត់ធ្មេញ
៤. ប្រើថ្នាំអង់ទីអ៊ីស្តាមីន ឬម៉ាស៊ីនចំហាយទឹក ដើម្បីកាត់បន្ថយការរលាកច្រមុះ
វិធីបង្ការ៖
១. ញ៉ាំឲ្យបានល្អ និងផឹកទឹកគ្រប់គ្រាន់
២. សម្រាកឲ្យបានគ្រប់គ្រាន់
៣. អនុវត្តទម្លាប់លាងសម្អាតដៃ
៤. បិទបាំងមុខ នៅពេលចេញក្រៅ
៥. គ្រប់គ្រងស្ត្រេស
ប្រភព៖ Medical News Today II https://www.medicalnewstoday.com/
រក្សាសិទ្ធិ©ដោយ៖ ពេទ្យយើង