ការញៀន នឹងការបំពេញចំណង់កាមខ្លួនឯង
ការបំពេញចំណង់កាម ជាការសម្រេចកាមដោយខ្លួនឯង គ្មានការចូលរួមពីដៃគូ។ ប៉ុន្តែនៅពេលអ្នកបំពេញកាមច្រើនពេក ឬងប់ងល់ពេក វាជាភាពមិនប្រក្រតីមួយ។ គេមិនកំណត់បញ្ហានេះ ជាបញ្ហាផ្លូវចិត្តនោះទេ ប៉ុន្តែវាជាអាកប្បកិរិយាផ្លូវភេទងប់ងល់មិនប្រក្រតី ដែលអាចនាំមកនូវផលលំបាកជាច្រើន។
ទាំងនេះ ជារោគសញ្ញានៃការញៀននឹងការបំពេញចំណង់កាមខ្លួនឯង៖
១. ធ្វើវា ដោយប្រើរយៈពេលយូរ និងថាមពលច្រើន
២. ជីវិតគ្រួសារ ការងារ និងផ្ទាល់ខ្លួន ទទួលផលប៉ះពាល់ពីសកម្មភាពនេះ
៣. អ្នកអាចនឹងចូលរួមការប្រជុំយឺត បោះបង់ព្រឹត្តិការណ៍សំខាន់ៗ និងការណាត់ជួបក្នុងសង្គម ដើម្បីបំពេញចំណង់របស់ខ្លួន
៤. អ្នកធ្វើវា ទោះបីជាអ្នកនៅក្រៅផ្ទះក៏ដោយ
៥. អ្នកធ្វើវា ទោះបីជាអ្នកគ្មានអារម្មណ៍សម្រើបក៏ដោយ
៦. អ្នកធ្វើវា នៅពេលអ្នកមានអារម្មណ៍អវិជ្ជមាន៖ ខឹង ថប់អារម្មណ៍ ស្ត្រេស ឬពិបាកចិត្ត
៧. អ្នកពិបាកក្នុងការឈប់គិត ពីសកម្មភាពនេះ
មូលហេតុបង្ក៖
១. ស្ត្រេស ឬប្រែប្រួលអារម្មណ៍
២. អាចមកពីអតុល្យភាពជាតិគីមី ក្នុងខួរក្បាល
៣. អាចមកពីជំងឺផាកឃីនសុន
៤. អ្នកមានការញៀននឹងទម្លាប់អ្វីមួយ ងប់ងល់
វិធីព្យាបាល៖
១. ដាក់ចិត្តជំនះ ផ្ដាច់ទម្លាប់ដោយខ្លួនឯង
២. ទទួលការព្យាបាលពីអ្នកជំនាញ ជាពិសេសតាមរយៈការនិយាយប្រឹក្សា
៣. ស្វែងរកក្រុមគាំទ្រ
៤. ទទួលថ្នាំវេជ្ជសាស្ត្រ៖ ថ្នាំព្យាបាលបាក់ទឹកចិត្ត ថ្នាំព្យាបាលបាយប៉ូឡា (Bipolar) ឬថ្នាំព្យាបាលថប់អាមរ្មណ៍
ប្រសិនបើអ្នកមិនព្យាបាលបញ្ហានេះ វាអាចកាន់តែរ៉ាំរ៉ៃ ហើយអ្នកអាចប្រឈមនឹង៖
១. សម្ពាធក្នុងទំនាក់ទំនងដៃគូ
២. បញ្ហាផ្លូវចិត្ត
៣. ការបាត់បង់ចំណង់ផ្លូវភេទ
៤. ការបាត់បង់ទំនុកចិត្តលើខ្លួនឯង ជាដើម៕
ប្រភព៖ Healthline II https://www.healthline.com/