វិធីទទួលទានឱសថ ម៉ូលណាទ្រីស (Molnatris) ២០០មីលីក្រាម

ការពារ​ប្រឆាំង ជំងឺ កូវីដ ១៩  |  Date: 2021-12-24

កាលពីថ្មីៗនេះ ក្រុមកាងារប្រយុទ្ធប្រឆាំងនឹងជំងឺកូវីដ-១៩ បានប្រកាសជាសាធារណៈដល់ប្រជាពលរដ្ឋកម្ពុជានូវការផ្គត់ផ្គង់ និងលក់ចែកចាយឱសថព្យាបាលកូវីដ-១៩ ចាប់ពីកម្រិតស្រាល ទៅមធ្យមឈ្មោះថា ម៉ូណាទ្រីស (Molnupiravir Capsules 200mg)។

 

តើអ្នកអាចស្វែងរកឱសថនេះ នៅទីណាបាន?

១. មន្ទីរពេទ្យឯកជន

២. គ្លីនិក

៣. ឱសថស្ថាន

៤. ឱសថស្ថានរង

៥. បញ្ជាទិញ​ផ្ទាល់ នៅក្រសួង​​ប្រៃសណីយ៍ និងទូរគមនាគមន៍​

 

តើមនុស្សប្រភេទណា ដែលអាចប្រើឱសថនេះបាន?

មនុស្សពេញវ័យ (១៨ឆ្នាំ ឡើងទៅ) ដែលមានវិជ្ជមានកូវីដ-១៩ ឬងាយនឹងឈឺធ្ងន់ធ្ងរ

 

របៀបប្រើ៖

១. លេបតាមមាត់

២. លេបក្រោយទទួលទានអាហាររួច ឬពេលពោះទទេរ

៣. លេបទាំងមូលជាមួយទឹក (១កែវ)

៤. ក្នុងការលេប មិនត្រូវបើកគ្រាប់ កិនបំបែក ឬទំពារនោះទេ

 

កម្រិតនៃការលេប​ (មនុស្សពេញវ័យ)៖

១. លេបម្ដង ៨០០មីលីក្រាម (ស្មើ​នឹង ៤គ្រាប់)

២. លេបរៀងរាល់ថ្ងៃ ១២ម៉ោងម្ដង (ស្មើ​នឹង ១ថ្ងៃ ២ដង)

៣. លេបរយៈពេល ៥ថ្ងៃជាប់គ្នា (បន្ទាប់ពីមានវិជ្ជមាន ឬចេញរោគសញ្ញា)

 

សម្រាប់ស្ត្រីបំបៅដោះ និងទារកកំពុងបៅដោះ គេមិនទាន់អាចកំណត់ថា ថ្នាំនេះ មានឥទ្ធិពលយ៉ាងណានោះទេ។ ប៉ុន្តែដោយអនុវត្តវិធីសុវត្ថិភាព ក្នុងការទទួលទានថ្នាំម៉ូលណាទ្រីស ស្ត្រីជាម្ដាយ មិនគួរបំបៅដោះដល់ទារកនោះទេ ក្នុងពេលព្យាបាល ឬ៤ថ្ងៃបន្ទាប់ពីការប្រើ។

 

ការរក្សាទុក និងអាយុកាល៖

១. សូមរក្សាឱសថនេះ ក្នុងកំប៉ុងដើម បិទជិត ទុកក្នុងសីតុណ្ហភាពទាបជាង ឬស្មើ ៣០អង្សារសេ។

២. វាមានអាយុប្រើប្រាស់ ២៤ខែ បន្ទាប់ពីកាលបរិច្ឆេទផលិត៕

 

ប្រភព៖ Fresh News II http://www.freshnewsasia.com/index.php/en/?ref=1

រក្សាសិទ្ធិ©ដោយ៖ ពេទ្យយើង