ការថតស្វែងរកជំងឺមហារីកក្រពេញប្រូស្តាត

ការបង្ការជំងឺមហារីក គឺជារឿងសំខាន់មួយ សម្រាប់ការរក្សាសុខភាព និង​អាយុជីវិត​។ ជាធម្មតា គេអាចបង្ការជំងឺមហារីក ដោយធ្វើតេស្តស្វែងរកជំងឺមហារីក ឲ្យឃើញមុនចេញរោគសញ្ញា។ ដូចគ្នាផងដែរ ជំងឺមហារីកក្រពេញប្រូស្តាត តម្រូវឲ្យអ្នកធ្វើតេស្ត។

គេអាចប្រើវិធី ២ប្រភេទ ដើម្បីធ្វើតេស្តជំងឺមហារីកក្រពេញប្រូស្តាត៖

១. ការធ្វើតេស្តឈាម ផ្អែកលើអង់ទីហ្សែន ក្រពេញប្រូស្តាតជាក់លាក់ (PSA Test)៖ PSA ជាអង់ទីហ្សែនមួយ ដែល បង្កើតដោយក្រពេញប្រូស្តាត។ គេធ្វើតេស្តនេះ ដើម្បីវាស់កម្រិត PSA នៅក្នុងឈាម។ ប្រសិនបើ PSA មានកម្រិតខ្ពស់ វាបង្ហាញថា អ្នកមានជំងឺមហារីកក្រពេញប្រូស្តាត រីកក្រពេញប្រូស្តាត ឬឆ្លងមេរោគ ក្នុងក្រពេញប្រូស្តាត ជាដើម។

២. ការពិនិត្យតាមរន្ធបាត (រន្ធគូទ)៖ អ្នកជំនាញនឹងប្រើដៃ លូកចូលក្នុងរន្ធបាត ដើម្បី​ស្ទាបក្រពេញប្រូស្តាត ស្វែងរកភាពមិនប្រក្រតី ដូចជា មហារីក ជាដើម៕

ប្រភព៖ CDC II https://www.cdc.gov/

រក្សាសិទ្ធិ©ដោយ៖ ពេទ្យយើង