តើបញ្ហាស្ងួតទ្វារមាស បណ្ដាលមកពីអ្វី?
ក្នុងប្រដាប់ភេទស្ត្រី មានស្រទាប់ស្ដើងមួយ ដែលផ្ដល់សំណើមដល់ទ្វារមាស។ ប៉ុន្តែនៅពេលស្ត្រី មានអាយុកាន់តែច្រើន ស្រទាប់នោះ នឹងប្រែទៅជាកាន់តែស្ដើង នាំឲ្យការផលិតកោសិកា តិចជាងមុន និងអន់ថយនូវការបង្កើតសំណើម។
ការស្ងួតទ្វារមាស អាចផ្ដល់ផលប៉ះពាល់ ដូចជា៖
១. រលាក
២. បាត់ចំណង់ផ្លូវភេទ
៣. ឈឺចាប់ ឬមានឈាមនៅពេលរួមដំណេក
៤. ឈឺក្រហាយ
៥. ឆ្លងមេរោគតាមបំពង់នោម
៦. រមាស់ ឬមានក្លិន
កត្តាចម្បង ដែលបង្កឲ្យទ្វារមាសស្ងួត គឺការធ្លាក់ចុះនូវកម្រិត Estrogen។
ការផលិត Estrogen ធ្លាក់ចុះ ដោយមូលហេតុ ដូចជា៖
១. ការអស់រដូវ
២. ការបំបៅដោះកូន
៣. ការបាក់ទឹកចិត្ត
៤. ស្ត្រេសរ៉ាំរ៉ៃ
៥. បញ្ហាប្រព័ន្ធភាពស៊ាំមិនប្រក្រតី
៦. ការផ្ដល់កំណើត
៧. ការហាត់ប្រាណ ប្រើកម្លាំងធ្ងន់
៨. ការព្យាបាលជំងឺមហារីក តាមវិធីសាស្ត្រមួយចំនួន
៩. ការវះកាត់យកក្រពេញអូវែចេញ
វិធីព្យាបាល៖
១. លាបប្រេង ឬគ្រីមផ្ដល់សំណើម (សម្រាប់ប្រដាប់ភេទស្ត្រី)។
២. ទទួលទានថ្នាំវេជ្ជសាស្ត្រ (មានការណែនាំពីវេជ្ជបណ្ឌិត ឬឱសថការី)។
វិធីការពារ៖
១. ជៀសវាងប្រើទឹកលាងប្រដាប់ភេទស្ត្រី។
២. ជៀសវាងប្រើស្រោមអនាម័យ ដែលមានផ្ទុកសារធាតុ N-9។
ប្រភព៖ Healthline II https://www.healthline.com/
រក្សាសិទ្ធិ©ដោយ៖ ពេទ្យយើង