ក្រមួនក្នុងត្រចៀក ឬអាចម៍ត្រចៀក
លោកស្រីវេជ្ជបណ្ឌិត ង៉ូវ ចរិយា ឯកទេសត្រចៀក ច្រមុះ និងបំពង់ក នៃមន្ទីរពហុព្យាបាល និងសម្ភព អឃីត ផ្លាហ្សា នៅក្នុងកម្មវិធីសន្ទនាអំពីសុខភាព របស់ពេទ្យយើង បានលើកឡើងពីក្រមួនក្នុងត្រចៀក ឬអាចម៍ត្រចៀក។ ក្រមួននៅក្នុងត្រចៀក ដែលភាសាខ្មែរយើង ប្រើទូទៅហៅថា អាចម៍ត្រចៀក។ កកើតដោយសារកោសិកាស្បែក និងរោមនៅក្នុងត្រចៀកចាស់ៗ រួមជាមួយនឹងមានក្រពេញបញ្ចេញដោយក្រមួន រួមផ្សំគ្នា ទៅជាក្រមួននៅក្នុងត្រចៀក ឬអាចម៍ត្រចៀក។ ក្រមួននៅក្នុងត្រចៀក ឬអាចម៍ត្រចៀក មានសារសំខាន់ ក្នុងការការពារត្រចៀករបស់យើង ចំពោះការចម្លងរោគពីពពួកបាក់តេរី និងពពួកផ្សិត។
មូលហេតុបង្កជំងឺស្ទះក្រមួនក្នុងត្រចៀក៖
១-ទាក់ទងនឹងរូបរាងត្រចៀក បើអ្នកជំងឺ ដែលមានរន្ធត្រចៀកតូច គឺងាយនឹងមានការកកស្ទះ
២-នៅពេលយើងទំពារចំណីអាហារ ធ្វើឲ្យក្រមួនក្នុងត្រចៀក ចូលទៅខាងក្នុង
៣-កត្តាជំរុញ ដោយត្បាល់ត្រចៀក ប្រើសំឡីរុញវាចូលទៅក្នុង ឬក៏ប្រើឧបករណ៍ស្តាប់ ( កាស )
រោគសញ្ញានៃជំងឺក្រមួនក្នុងត្រចៀក៖
១-មានអារម្មណ៍ថា ណែននៅក្នុងត្រចៀក
២-មានអារម្មណ៍ឈឺចាប់ នៅក្នុងត្រចៀក ធ្ងន់ត្រចៀកខ្លាំង
៣-មានអារម្មណ៍រាងរមាស់ៗ ក្នុងត្រចៀក
៤-ពិបាកក្នុងការស្តាប់ ឬការស្តាប់មិនសូវលឺ
៥-រាងហឹងត្រចៀក
វិធីការពារជំងឺស្ទះក្រមួនក្នុងត្រចៀក
១-កុំត្បាល់ត្រចៀក ចូលជ្រៅៗពេក
២-កាត់បន្ថយការប្រើប្រាស់កាសស្តាប់ត្រចៀក
៣-អ្នកជំងឺទាំងអស់ គួរតែមកពិនិត្យត្រចៀក
សូមរម្លឹកថា មន្ទីរពហុព្យាបាល និងសម្ភព អឃីត ផ្លាហ្សា ជាមន្ទីរពេទ្យឯកជន នៅក្នុងរាជធានីភ្នំពេញ ដែលបានប្រើប្រាស់កម្មវិធីពេទ្យយើង។
កម្មវិធីពេទ្យយើង បង្កើតដោយក្រុមហ៊ុន ហ្វឺស វីម៉ិនថេក អេស៊ា ជាប្រព័ន្ធគ្រប់គ្រងមន្ទីរពេទ្យឌីជីថលដំបូងគេនៅកម្ពុជា ដើម្បីចូលរួមចំណែកកសាងប្រព័ន្ធសុខាភិបាលទំនើប បែបឌីជីថល នៅកម្ពុជា និងសម្រាប់សហគមន៍អាស៊ាន តាមរយៈការផ្តល់សុវត្ថិភាពដល់កំណត់ត្រាព្យាបាល ទិន្នន័យសុខភាពអ្នកជំងឺ និងជួយឲ្យគ្លីនិក និងមន្ទីរពេទ្យ ដៃគូដំណើរការរលូន និងពុំមានការរំខាន៕
រក្សាសិទ្ធិ©ដោយ៖ ពេទ្យយើង