ធ្មេញលឿង មិនសូវមានទំនុកចិត្តលើខ្លួនឯង សូមសាកអនុវត្តវិធីទាំងនេះ
ប្រសិនបើអ្នកមានធ្មេញលឿង តើអ្នកហ៊ានសើចបញ្ចេញធ្មេញដែរ ឬទេ? ធ្មេញ គឺជាផ្នែកដ៏សំខាន់មួយនៃសម្រស់ ហើយបញ្ហាធ្មេញលឿង ជាបញ្ហាមួយ ដែលអាចធ្វើឲ្យអ្នកមិនសូវមានទំនុកចិត្តលើខ្លួនឯង។ គ្មានទំនុកចិត្ត ធ្វើការងារមិនបានល្អ និងមិនពេញចិត្តនឹងខ្លួនឯង ដោយសារតែធ្មេញ។ ដូចនេះ អ្នកគួរថែរក្សាសុខភាពធ្មេញ និងព្យាបាលបញ្ហាធ្មេញលឿង ឲ្យបានល្អ។
មូលហេតុ ដែលធ្វើឲ្យធ្មេញលឿង៖
១. អាហារ
២. អនាម័យ
៣. ថ្នាំវេជ្ជសាស្ត្រ
៤. ហ្សែន
៥. ការកើនអាយុ
វិធីព្យាបាល៖
១. ដុសធ្មេញឲ្យបានញឹកញាប់៖ ដុសធ្មេញឲ្យបានយ៉ាងតិច ២ដង ក្នុង ១ថ្ងៃ
២. ដុសធ្មេញជាមួយម្សៅសូដា និងទឹកអ៊ីដ្រូសែន Peroxide៖ លាយម្សៅសូដា ១ស្លាបព្រា ជាមួយនឹងទឹកអ៊ីដ្រូសែន Peroxide រួចដុសនឹងធ្មេញរបស់អ្នក
៣. ទទួលទានវីតាមីន C
៤. ដុសធ្មេញនឹងទឹកខ្មេះផ្លែប៉ោម៖ លាយទឹកខ្មេះផ្លែប៉ោម (២ស្លាបព្រា) ជាមួយនឹងទឹក (១៧៧មីលីលីត្រ) កូរលាយឲ្យបាន ៣០វិនាទី រួចដុសធ្មេញនឹងសូលុយស្យុងនេះ មុននឹងខ្ពុរមាត់ចេញ។
៥. ដុសសំបកក្រូចឆ្មា ក្រូច និងចេក៖ ដុសធ្មេញនឹងសំបកក្រូចឆ្មា សំបកក្រូច និងសំបកចេក រយៈពេល ២នាទី រួចខ្ពុរមាត់ចេញ។
៦. ប្រើធ្យូង៖ ប្រើថ្នាំដុសធ្មេញ ដែលមានសារជាតិធ្យូង ឬអ្នកអាចលាយកម្ទេចធ្យូងនឹងទឹក រួចយកមកដុសធ្មេញ។ ទុករយៈពេល ២នាទី រួចខ្ពុរទឹកសម្អាតមាត់។
៧. ទទួលទានផ្លែឈើ ដែលមានជាតិទឹកខ្ពស់៕
ប្រភព៖ Medical News Today II https://www.medicalnewstoday.com/, Healthline II https://www.healthline.com/ & My Cleveland Clinic II https://my.clevelandclinic.org/
រក្សាសិទ្ធិ©ដោយ៖ ពេទ្យយើង