បច្ចេកវិទ្យាឡាស៊ែរ ក្នុងទន្តសាស្ត្រ
តើអ្នកស្គាល់បច្ចេកវិទ្យាឡាស៊ែរ ដែលគេប្រើប្រាស់ក្នុងទន្តសាស្ត្រដែរ ឬទេ? តើវាត្រូវបានគេប្រើប្រាស់ច្រើន ចាប់តាំងពីពេលណាមក? តើបច្ចេកវិទ្យានេះ ផ្ដល់ឥទ្ធិពលបែបណាខ្លះ?
បច្ចេកវិទ្យាឡាស៊ែរ ត្រូវបានគេប្រើប្រាស់ក្នុងវិស័យទន្តសាស្ត្រ តាំងពីឆ្នាំ១៩៩៤មក ដើម្បីព្យាបាលបញ្ហាមាត់ធ្មេញជាច្រើនប្រភេទ។ ទន្តពេទ្យប្រើប្រាស់បច្ចេកវិទ្យាឡាស៊ែរ ក្នុងគោលបំណងមួយចំនួន៖
១. ព្យាបាលបញ្ហាធ្មេញពុក
២. ព្យាបាលជំងឺអញ្ចាញធ្មេញ
៣. កាត់យកសាច់ជាលិកា ដើម្បីធ្វើរោគវិនិច្ឆ័យជំងឺ និងព្យាបាលដំបៅ (ពងបែក)
៤ .ធ្វើឲ្យធ្មេញស
ទន្ទឹមនឹងនេះ ការប្រើប្រាស់បច្ចេកវិទ្យាឡាស៊ែរ ក្នុងទន្តសាស្ត្រ បានផ្ដល់អត្ថប្រយោជន៍ និងផលវិបាកមួយចំនួន។
អត្ថប្រយោជន៍៖
១. កាត់បន្ថយការឈឺចាប់ នៅពេលព្យាបាល ក៏ដូចជាកាត់បន្ថយតម្រូវការថ្នាំស្ពឹក
២. កាត់បន្ថយការភ័យខ្លាចរបស់អ្នកជំងឺ ដែលខ្លាចម៉ាស៊ីនខួងធ្មេញ
៣. កាត់បន្ថយការចេញឈាម និងហើម
៤. នៅពេលព្យាបាលធ្មេញដង្កូវស៊ី វាអាចការពារធ្មេញល្អ ដែលគ្មានដង្កូវស៊ី ពីការព្យាបាល ដែលបង្កដោយការព្យាបាលធ្មេញដង្កូវស៊ី។
ផលវិបាក៖
១. មិនអាចប្រើប្រាស់ឡាស៊ែរ ទៅព្យាបាលលើធ្មេញ ដែលប៉ះហើយ
២. ឡាស៊ែរ មិនអាចជំនួសវិធីសាស្ត្រធម្មតា ក្នុងការកែតម្រូវរូបរាងធ្មេញ និងការខាំពុម្ពធ្មេញនោះទេ
៣. បច្ចេកវិទ្យាឡាស៊ែរ មិនអាចលុបបំបាត់ការប្រើថ្នាំស្ពឹកនោះទេ
៤. ការព្យាបាលដោយបច្ចេកវិទ្យាឡាស៊ែរ មានតម្លៃខ្ពស់ ប្រៀបនឹងការប្រើបច្ចេកវិទ្យាធម្មតា៕
ប្រភព៖ WebMD II https://www.webmd.com/ & Healthline II https://www.healthline.com/
រក្សាសិទ្ធិ©ដោយ៖ ពេទ្យយើង