អាហារដែលងាយបង្កក្រួសក្នុងតម្រងនោម

ក្រួសក្នុងតម្រងនោមបង្ករដោយកំណកជាតិរ៉ែ និងអំបិលដែលក្លាយជាដុំនៅក្នុងតម្រងនោម និងបង្កជាការឈឺចាប់នៅត្រង់ខ្នង​ ពោះ ចំហៀងពោះ ឈឺ និងក្ដៅ នៅពេលនោម នោមចេញឈាម ទឹកនោមមានពពុះ និងក្លិនមិនល្អ ក្អួតចង្អោរ -ល-។ លើសពីនេះអាហារមួយចំនួនទៀតក៏ជាកត្តា បង្ករឱ្យមានក្រួសក្នុងតម្រងនោមផងដែរ។ ក្រួសក្នុងតម្រងនោមមានច្រើនប្រភេទដែលបង្ករដោយប្រភេទអាហារផ្សេងៗគ្នា៖

១. ក្រួសកាល់ស្យូមអុកសាឡេត៖ ក្រួសប្រភេទនេះបណ្តាលមកពីការញាំស្ពៃខ្មៅ គ្រាប់អាល់ម៉ុន​ គ្រាប់ស្វាយចន្ទីរ ដំឡូង ម្សៅកាកាវ cereal​ អំបិល សាច់គោ សាច់ជ្រូក ស៊ុត ឈីស ត្រី  វីតាមីន C -ល-។

២. ក្រួសកាល់ស្យូមផូស្វ័រ៖ ការញាំ សាច់មាន់ ថ្លើមគោ ទឹកដោះគោ ឈីស ស៊ុត គ្រឿងសមុទ្រ ទឹកផ្លែឈើស្រស់ ទឹកបន្លែកិន ម្រះព្រៅ អាហារកែច្នៃ សូដ្យូម -ល​- ជាកត្តាដែលបណ្តាលអោយកើតមាន ក្រួសកាល់ស្យូមផូស្វ័រ។

៣. ក្រួសអាស៊ីតអ៊ុយរិក៖ អាហារទាំងនោះមាន សាច់ក្រហម បក្សី ស៊ុត គ្រុំ ភេសជ្ជៈដែលមានជាតិស្ករផ្អែមខ្ពស់ និងជាតិអាល់កុល។​

៤. ក្រួសស៊ីស្ទីន៖ វាបង្ករដោយអាការៈតំណរពូជឈ្មោះថា cystinuria។ ក្រួសបែបនេះងាយកើតឡើងនៅពេលអ្នកបរិភោគទឹកមិនគ្រប់គ្រាន់ បរិភោគជាតិអាស៊ីតច្រើនពេក និងបរិភោគសូដ្យូម។

វិធីបង្ការក្រួសក្នុងតម្រងនោម៖​

១.​ ផឹកទឹកឲ្យបានគ្រប់គ្រាន់​

២. ទទួលទានកាល់ស្យូមឲ្យបានច្រើន (កង្វះកាល់ស្យូមនឹងបង្កើនហានិភ័យ)

៣. បន្ថយការទទួលទានសូដ្យូម

៤. បន្ថយអាហារដែលមានអុកសាឡេតខ្ពស់

៥. បន្ថយអាហារដែលមានប្រូតេអ៊ីនពីសត្វ

៦. ជៀសវាងអាហារបំប៉នវីតាមីន C

ប្រភព៖ WebMD II https://www.webmd.com/, Mayo Clinic II https://www.mayoclinic.org/ & Healthline II https://www.healthline.com/

រក្សាសិទ្ធិ©ដោយ៖ ពេទ្យយើង