មូលហេតុ និងវិធីព្យាបាលការឈឺចុកចាប់សាច់ដុំ
ការឈឺសាច់ដុំអាចកើតលើមនុស្សគ្រប់រូបដែលធ្វើការងារធ្ងន់ៗច្រើនដែលបណ្តាលអោយ ថ្លោះសរសៃ ឬមួយចំនួនទៀតឈឺដោយមិនដឹងមូលហេតុ។ ដើម្បីបកស្រាយចម្ងល់ និងសិក្សាពីមូលហេតុទាំងនេះ លោកអ្នកគួរទស្សនាវីដេអូនេះឲ្យចប់សិន។ ដំបូងអ្នកគួរដឹងពីសញ្ញានៃការឈឺសាច់ដុំជាមុនសិន៖
១. ការជាំ
២. រមួលសាច់ដុំ
៣. សាច់ដុំស្ពឹក និងខ្សោយ
៤. ឈឺសាច់ដុំពេលធ្វើចលនា
៥. ឬហើមជាដើម
តើមានមូលហេតុអ្វីខ្លះដែលនាំឲ្យលោកអ្នកឈឺសាច់ដុំ?
មូលហេតុគឺសាមញ្ញនោះទេ គឺបណ្តាលមកពីការប្រើប្រាស់កំលាំងសាច់ដុំខ្លាំងពេក ដួល ធ្លាក់ពីទីខ្ពស់ចុះមកក្រោមឬបានជួបគ្រោះថ្នាក់ផ្សេងៗទៀត។ នៅពេលលោកអ្នក ហាត់ប្រាណ ឬលេងកីឡា តើលោកអ្នកតែងកម្ដៅសាច់ដុំដែរឬទេ? អ្នកក៏អាចឈឺសាច់ដុំផងដែរនៅ ពេលដែលអ្នកហាត់ប្រាណដោយមិនកម្ដៅសាច់ដុំមុន។
សម្រាប់លោកអ្នកដែលមានការងារ ឬមុខរបរ ដែលត្រូវលើករបស់ធ្ងន់ៗជាប្រចាំ ឬក៏អ្នកជាកីឡាករ លោកអ្នកនឹងឧស្សាហ៍ឈឺសាច់ដុំ ហើយវានឹងអាចរ៉ាំរ៉ៃបើសិនជាអ្នកមិនចេះថែទាំ និងព្យាបាលវាឲ្យ បានត្រឹមត្រូវ។
តើមានវិធីសាស្ត្រអ្វីខ្លះដែលលោកអ្នកអាចព្យាបាលការឈឺសាច់ដុំបាន?
វិធីមានពីរគឺ វិធីធ្វើនៅផ្ទះ និងវិធីវេជ្ជសាស្ត្រ។
វិធីនៅផ្ទះមានដូចជា៖
១. សម្រាកសាច់ដុំ និងមិនធ្វើការច្រើន
២. ស្អំទឹកកកម្ដងចាប់ពី ១០ ទៅ ១៥នាទីឡើងទៅ នៅកន្លែងឈឺចាប់
៣. ប្រើបង់រុំបន្តឹង
៤. ធ្វើចលនាខ្លះៗដើម្បីឲ្យឈាមហូរបានល្អ និងកាត់បន្ថយហើម
វិធីវេជ្ជសាស្ត្រមានដូចជា៖
១. ប្រើថ្នាំបំបាត់ការឈឺចាប់ (តាមការណែនាំវេជ្ជសាស្ត្រ)
២. ម៉ាស្សា
៣. ធ្វើលំហាត់ប្រាណដែលជួយឲ្យសាច់ដុំជាសះស្បើយ
៤. បើគ្មានភាពធូរស្បើយ លោកអ្នកគួរពិគ្រោះជាមួយគ្រូពេទ្យ៕
ប្រភព៖ Medical News Today II Muscle strain: Symptoms, diagnosis, treatment, and recovery (medicalnewstoday.com)
រក្សាសិទ្ធិ©ដោយ៖ ពេទ្យយើង