អត្ថប្រយោជន៍សុខភាព កំពូល ៣យ៉ាង របស់ផ្សិត៖ ប្រឆាំងការឆ្លងមេរោគ ប្រឆាំងការរលាកហើម និងជំរុញប្រព័ន្ធស៊ាំ
ចង់ស្វែងរកអាហារ ដែលជួយដល់សុខភាព ទទួលទានផ្សិតជាអាហារ គឺជាជម្រើសត្រឹមត្រូវ។ មានរយៈពេលយូរមកហើយ ដែលផ្សិតត្រូវបានគេស្គាល់ថាជាប្រភេទអាហារ ដែលមានសារជាតិជំនួយសុខភាព ហាក់បីដូចជាឱសថដែរ។ វាមានសារធាតុឱសថ និងជំនួយដល់ប្រព័ន្ធភាពស៊ាំរបស់អ្នកទទួលទាន។
យោងតាមការស្រាវជ្រាវ រយៈពេលជាច្រើនពាន់ឆ្នាំមកហើយ ក្នុងវប្បធម៌ក្រិចបុរាណ និងវប្បធម៌ប្រទេសចិន គេប្រើប្រាស់ផ្សិតជាអាហារជំនួយកម្លាំង និងជំនួយសុខភាព។ បច្ចុប្បន្ន គេនិយមប្រើផ្សិតក្នុងអាហារច្រើនប្រភេទ ព្រោះគេអាចច្នៃផ្សិត ជាគ្រឿងផ្សំនៃមុខម្ហូបជាច្រើនមុខ។
ប្រភេទផ្សិតដែលអាចទទួលទានបាន មានជាង ២០០០ប្រភេទ ហើយក្នុងនោះរួមមាន៖
១. crimini
២. portobello
៣. white button
៤. reishi
៥. shiitake
៦. oyster
៧. Chaga
៨. maitake
មានការសិក្សា ក្នុងរយៈពេលជាច្រើនឆ្នាំចុងក្រោយនេះ រកឃើញថា ផ្សិត មានគុណសម្បត្តិ ៣យ៉ាងធំបំផុតគឺ៖
១. ប្រឆាំងការឆ្លងមេរោគ
២. ប្រឆាំងបញ្ហារលាកហើម
៣. បង្កើនភាពរឹងមាំនៃប្រព័ន្ធភាពស៊ាំ
ផ្សិតមានផ្ទុកសារជាតិសំខាន់ជាច្រើន ដែលរាងកាយត្រូវការ ដើម្បីទ្រទ្រង់សុខភាព៖
១. ជាតិសរសៃ
២. រីបូហ្វ្លាវីន
៣. នីអាស៊ីន
៤. សេឡេញ៉ូម
៥. វីតាមីន D
៦. សារធាតុប្រឆាំងអុកស៊ីតកម្ម
ប្រភព៖ Healthline https://www.healthline.com/
រក្សាសិទ្ធិ©ដោយ៖ ពេទ្យយើង