ស្ត្រី ដែលស្ថិតក្នុងវ័យបង្កកំណើត គួរធ្វើរឿងទាំងនេះ នឹងធានាថា សុខភាពល្អលេខមួយ!
ក្នុងវ័យមួយ ដែលជាវ័យរបស់ស្ត្រីមានលទ្ធភាពបង្កកំណើត ស្ត្រីត្រូវការយ៉ាងចាំបាច់នូវសុខភាពល្អមាំមួន។ យោងតាមអង្គការសុខភាពពិភពលោក វ័យបង្កកំណើតរបស់ស្ត្រី គឺអាយុចាប់ពី ១៥ឆ្នាំ ដល់ ៤៩ឆ្នាំ។ នោះមានន័យថា ក្នុងចន្លោះអាយុ ១៥ ទៅ ៤៩ឆ្នាំ ស្ត្រីមានលទ្ធភាពខ្ពស់ក្នុងការបង្កកំណើត។ ក្នុងវ័យនេះដែរ ស្ត្រីគួរថែសុខភាពឱ្យបានល្អ ដើម្បីទទួលបានភាពមាំមួន និងត្រៀមខ្លួនរួចរាល់ សម្រាប់ការមានផ្ទៃពោះ ក្នុងពេលណាមួយ។ នោះទាំងម្ដាយ និងទាំងទារកក្នុងផ្ទៃ នឹងមានសុខភាពល្អ។
ក្នុងវ័យបង្កកំណើត ស្ត្រីគួរធ្វើរឿងទាំងនេះ៖
១. ទទួលទានអាស៊ីតហ្វូលិក៖
- វាជាប្រភេទវីតាមីន B
- បង្ការពិការភាពពីកំណើត លើទារក ជាពិសេសទាក់ទងនឹងខួរក្បាល និងឆ្អឹងខ្នង
២. ទទួលអាហារសុខភាព និងរក្សាទម្ងន់សុខភាព
៣. ធ្វើលំហាត់ប្រាណទៀងទាត់
៤. ផ្ដាច់បារី
៥. ជៀសវាងគ្រឿងស្រវឹង
៦. ទទួលទានថ្នាំ ដោយមានការប្រុងប្រយ័ត្ន (ថ្នាំ ដែលមានការណែនាំពីវេជ្ជបណ្ឌិត)
៧. ពិនិត្យសុខភាព ជាមួយវេជ្ជបណ្ឌិតជំនាញ (ថតស្កេន និងគ្រប់គ្រងជំងឺរ៉ាំរ៉ៃ)
៨. ទទួលការថែទាំសុខភាព ទៅតាមអាយុរបស់អ្នក
៩. សិក្សាស្វែងយល់ពីហានិភ័យ ដែលអាចកើតមានបញ្ហាសុខភាពផ្សេងៗ
១០. ប្រឹក្សាជាមួយគ្រូពេទ្យ ទៅលើអាយុ ដែលអ្នកគួរមានផ្ទៃពោះ
ប្រភព៖ CDC II https://www.cdc.gov/ & https://www.who.int/
រក្សាសិទ្ធិ©ដោយ៖ ពេទ្យយើង