មានជំងឺទឹកនោមប្រៃ គួរចាកឆ្ងាយអាហារទាំងនេះ
ជំងឺទឹកនោមប្រៃ គឺជាភាពមិនប្រក្រតីរបស់ក្រលៀន ដែលបង្កឱ្យរាងកាយនាំយកប្រូតេអ៊ីន ទៅក្នុងទឹកនោមច្រើនពេក។ ជំងឺទឹកនោមប្រៃ មានរោគសញ្ញាមួយចំនួន និងអាចព្យាបាលដោយការព្យាបាលមូលហេតុបង្ក និងការទទួលទានថ្នាំ។ ប៉ុន្តែអាហារប្រភេទណា ដែលអ្នកជំងឺទឹកនោមប្រៃ គួរជៀសវាងបំផុត?
អាហារដែលអ្នកជំងឺទឹកនោមប្រៃ គួរជៀសវាង៖
១. ឈីសកែច្នៃ
២. សាច់ ដែលសម្បូរសូដ្យូម៖ (១) សាច់ Bacon (២) ប្រហិត (៣) ហតដក
៣. អាហារ ដែលដាក់កកចោល ក្នុងទូរទឹកកក
៤. សាច់កំប៉ុង
៥. ជ្រក់
៦. ដំឡូង ពោត ឬគ្រាប់ធញ្ញជាតិប្រៃៗ
៧. នំប៉័ងប្រៃៗ
រោគសញ្ញា៖
១. ហើមខ្លាំង នៅបរិវេណភ្នែក កែងជើង និងប្រអប់ជើង
២. ទឹកនោមបែកពពុះ ដោយសារលើសប្រូតេអ៊ីន
៣. ឡើងទម្ងន់ ដោយសារស្ទះជាតិទឹក
៤. អស់កម្លាំងខ្សោយ
៥. មិនឃ្លានអាហារ
មូលហេតុបង្ក៖
១. ជំងឺតម្រងនោម បង្កដោយជំងឺទឹកនោមផ្អែម
២. ជំងឺខូចក្រលៀន Minimal Change (រោគសញ្ញាខូចក្រលៀន លើកុមារ)
៣. ក្រិនសរសៃ glomeruli (Focal segmental glomerulosclerosis)៖
- glomeruli ជាផ្នែកតូចនៃក្រលៀន ដែលមានមុខងារចម្រាញ់ សមាសធាតុបញ្ចេញចោលពីឈាម
៤. ភ្នាសនៅក្នុង glomeruli ឡើងក្រាស់ (Membranous nephropathy)
៥. ជំងឺរលាករ៉ាំរ៉ៃ ដែលឈានដល់ខូចក្រលៀនធ្ងន់ធ្ងរ (Systemic lupus erythematosus)
៦. រោគសញ្ញាមិនប្រក្រតីនៃការប្រមូលផ្ដុំប្រូតេអ៊ីន ក្នុងសរីរាង្គ (Amyloidosis)
កត្តាប្រឈម៖
១. ជំងឺ ដែលធ្វើឱ្យខូចក្រលៀន៖
- ទឹកនោមផ្អែម
- លុយពីស
- Amyloidosis
- ជំងឺច្រាលទឹកនោម
- ជំងឺក្រលៀនផ្សេងៗ
២. ថ្នាំវេជ្ជសាស្ត្រមួយចំនួន៖
- ថ្នាំបង្ការជំងឺលារក
- ថ្នាំប្រឆាំងជំងឺឆ្លង
៣. ឆ្លងមេរោគ៖
- ជំងឺអេដស៍
- ជំងឺរលាកថ្លើមប្រភេទ B
- ជំងឺរលាកថ្លើមប្រភេទ C
- ជំងឺគ្រុនចាញ់
ប្រភព៖ Mayo Clinic II https://www.mayoclinic.org/ & Healthline II https://www.healthline.com/
រក្សាសិទ្ធិ©ដោយ៖ ពេទ្យយើង