គុណសម្បត្តិសុខភាព នៃសារាយសមុទ្រ
ការសិក្សារកឃើញថា សារាយសមុទ្រ មានអត្ថប្រយោជន៍ជាច្រើន សម្រាប់សុខភាព ដែលជំរុញឱ្យមនុស្សកាន់តែច្រើន ចាប់អារម្មណ៍លើសារាយសមុទ្រ ក្នុងរយៈពេលប៉ុន្មានទសវត្សចុងក្រោយ។ ទិន្នន័យ បានបង្ហាញថា ទីផ្សារពាណិជ្ជកម្មសារាយសមុទ្រនៅទូទាំងពិភពលោក ត្រូវបានគេប៉ាន់ស្មានថា នឹងកើនឡើង ក្នុងអត្រា ៩.៧% ក្នុង ១ឆ្នាំ រវាងឆ្នាំ២០២០ ទៅឆ្នាំ២០២៥។ នេះបញ្ជាក់ថា សារាយសមុទ្រ បានក្លាយជាអាហារសុខភាព ដែលមានប្រជាប្រិយភាពមួយ។ តោះ! មកស្វែងយល់ពីប្រភេទសារាយសមុទ្រ ដែលអាចញ៉ាំបាន និងអត្ថប្រយោជន៍សារាយសមុទ្រទាំងអស់គ្នា។
សារាយសមុទ្រ បែងចែកចេញជា ៣ក្រុម៖
១. សារាយបៃតង (Green algae ឬ chlorophyta)
២. សារាយពណ៌ត្នោត (Brown algae ឬ ochrophyta, phaeophyceae)
៣. សារាយក្រហម (Red algae ឬ rhodophyta)
ខុសពីសារាយផ្សេងៗ ដែលមានផលប៉ះពាល់មិនល្អដល់ជីវិតក្នុងបរិស្ថាន សារាយសមុទ្រមានអត្ថប្រយោជន៍ ដែលសត្វសមុទ្រ និងមនុស្សអាចទទួលទានបាន។
ប្រភេទសារាយសមុទ្រ ដែលអាចទទួលទាន ជាអាហារបាន៖
១. ប្រភេទ Nori៖
- ជាប្រភេទសារាយក្រហម
- ត្រូវបានប្រើសម្រាប់រុំជុំវិញ សូស៊ី
- ប្រទេសជប៉ុន ផលិតសារាយ Nori ៤០ម៉ឺនតោន ក្នុង ១ឆ្នាំៗ
២. ប្រភេទ Kombu៖
- ជាប្រភេទសារាយពណ៌ត្នោត
- គេប្រើសម្រាប់ថែមរសជាតិ ក្នុងស៊ុប និងអាហារជប៉ុន Dashi
- ល្បីក្នុងប្រទេសជប៉ុន
៣. ប្រភេទ Wakame៖
- ជាប្រភេទសារាយបៃតង មានរសជាតិផ្អែមតិចតួច
- គេប្រើសម្រាប់បន្ថែមរសជាតិ ក្នុងសាឡាដ និងស៊ុបមីសូ
៤. ប្រភេទ Ogonori ឬស្លែសមុទ្រ៖
- ជាប្រភេទសារាយពណ៌ស្វាយ
- គេប្រើក្នុងសាឡាដ និងធ្វើជាចាហួយ
៥. ប្រភេទ Hijiki៖
- ជាប្រភេទសារាយខ្មៅ
- គេប្រើក្នុងស៊ុបឆ្អឹង សាឡាដ និងអាហារតមសាច់
- ជាគ្រឿងផ្សំអាហារជប៉ុន និងកូរ៉េ
៦. ប្រភេទ Umibudo៖
- ជាប្រភេទសារាយបៃតង ដែលសរសៃរបស់វា មានកូនពពុះមូលៗតូចៗ
- គេបកប្រែសារាយនេះថា ទំពាំងបាយជូសមុទ្រ (Sea Grapes)
- គេទទួលទាន ជាអាហារសម្រន់ប្រៃៗ
៧. ប្រភេទ Dulse៖
- ជាប្រភេទសារាយពណ៌ស្វាយ
- គេប្រើសម្រាប់ទទួលទាន ជាអាហារសម្រន់ ឬថែមក្នុងសាឡាដ
៨. ប្រភេទ Chlorella៖
- មានក្នុងអាហារបំប៉ន ជាលក្ខណៈម្សៅ និងគ្រាប់
អត្ថប្រយោជន៍សុខភាព នៃសារាយសមុទ្រ៖
១. វីតាមីន និងជាតិរ៉ែ
២. ជាតិសរសៃ ក្នុងបរិមាណច្រើន
៣. កម្រិតប្រូតេអ៊ីនខ្ពស់
៤. គ្រប់គ្រងជាតិស្ករក្នុងឈាម
៥. ជួយបង្កើនមុខងារ ក្រពេញទីរ៉ូអ៊ីត
៦. ជួយសុខភាពបេះដូង
ប្រភព៖ Forbes II https://www.forbes.com/health/
រក្សាសិទ្ធិ©ដោយ៖ ពេទ្យយើង