ចង់បង្កើនចំណង់ផ្លូវភេទ អាចអនុវត្តវិធីទាំងនេះ
ចំណង់ផ្លូវភេទ គឺជារឿងធម្មជាតិ និងជាផ្នែកមួយនៃជីវិតមនុស្សប្រុសស្រី។ ប៉ុន្តែមនុស្សនិមួយៗ អាចមានចំណង់ផ្លូវភេទខ្លាំង ឬខ្សោយ ខុសៗគ្នា ទៅតាមកត្តាមួយចំនួន។ កត្តា ដែលធ្វើឱ្យប៉ះពាល់ចំណង់ផ្លូវភេទ និងនាំឱ្យចុះខ្សោយ អាចទាក់ទងនឹង (១) កម្រិតអរម៉ូន (២) ថ្នាំវេជ្ជសាស្ត្រ (៣) ទម្លាប់គេង និង (៤) អាយុ។ ចំណង់ផ្លូវភេទខ្សោយ អាចប៉ះពាល់ដល់គុណភាពជីវិត ក្នុងនោះ មានសមត្ថភាពបន្តពូជ និងទំនាក់ទំនងដៃគូ ជាដើម។ ពេទ្យយើង សូមណែនាំទម្លាប់មួយចំនួននេះ ដែលអាចជួយអ្នក ក្នុងការបង្កើនចំណង់ផ្លូវភេទ ដោយធម្មជាតិ។
វិធីធម្មជាតិ បង្កើនចំណង់ផ្លូវភេទ៖
១. បរិភោគផ្លែល្វា ផ្លែចេក និងផ្លែប៊័រ៖
- ប្រភេទផ្លែឈើទាំងនេះ ផ្លល់នូវវីតាមីន និងជាតិរ៉ែសំខាន់ៗ ល្អសម្រាប់បង្កើនលំហូរឈាម ជាពិសេសទៅកាន់ប្រដាប់ភេទ និងបង្កើនសុខភាពផ្លូវភេទ។
២. បរិភោគសូកូឡា៖
- សូកូឡា មានសមត្ថភាពបង្កើនសេរ៉េតូនីន ដែលធ្វើឱ្យមនុស្សមានអារម្មណ៍ល្អ និងឈាមហូរបានល្អទៅប្រដាប់ភេទ ដែលបង្កើនសមត្ថភាព និងចំណង់ផ្លូវភេទ។
៣. បរិភោគជីអង្កាម និងខ្ទឹមស ជារៀងរាល់ថ្ងៃ៖
- អ្នកអាចបន្ថែមជីអង្កាម និងខ្ទឹមស ជាគ្រឿងផ្សំបន្តិចទៅលើអាហារ ព្រោះក្លិនរបស់វាជួយឱ្យឈាម ហូរបានខ្លាំង។
- ការសិក្សាក៏បានរកឃើញថា វាអាចជួយដល់បញ្ហាងាប់លិង្គផងដែរ។
៤. បរិភោគយ៉ូហ៊ីមប៊ីន (Yohimbine)៖
- យ៉ូហ៊ីមប៊ីន គឺជាថ្នាំព្យាបាលម្យ៉ាង មាននៅទ្វីបអាហ្វ្រិក ដែលមានសមត្ថភាពដូចថ្នាំ Viagra។
- វាមាននាទីជួយរក្សាភាពរឹងរបស់លិង្គ និងបង្កើនសមត្ថភាពផ្លូវភេទ។
៥. បង្កើនទំនុកចិត្តលើខ្លួនឯង៖
- ទទួលទានអាហារ ដែលមានសុខភាពល្អ
- ហាត់ប្រាណរក្សារាង និងសម្រស់
៦. ញ៉ាំស្រាមួយកែវ៖
- ស្រាអាចធ្វើឱ្យអ្នកមានអារម្មណ៍ស្ងប់សុខ និងបង្កើនចំណង់
- ទទួលទានច្រើនមិនល្អនោះទេ (២កែវ អាចច្រើនពេក និងប៉ះពាល់សុខភាព)
៧. សមាធិ និងកាត់បន្ថយស្ត្រេស៖
- ស្ត្រេស អាចប៉ះពាល់ចំណង់ផ្លូវភេទ
- ដើម្បីបំបាត់ស្ត្រេស អ្នកអាច (១) សមាធិ (២) លេងកីឡា (៣) ហាត់ថៃជី និង (៤) ហាត់យ៉ូហ្កា
៨. គេងឱ្យបានច្រើន
៩. រក្សាទំនាក់ទំនងឱ្យបានល្អ ស្អិតរមួត
១០. ពិគ្រោះជាមួយវេជ្ជបណ្ឌិត អំពីសុខភាពផ្លូវភេទ
ប្រភព៖ Healthline II https://www.healthline.com/
រក្សាសិទ្ធិ©ដោយ៖ ពេទ្យយើង