ញ៉ាំកាហ្វេល្អ សម្រាប់ជំងឺខ្លាញ់រុំថ្លើម និងគ្រួសក្នុងថង់ទឹកប្រមាត់
តិចនិកសុខភាព និង ការរស់នៅទូទៅ | Date: 2022-09-21
កាហ្វេ គឺជាភេសជ្ជៈ ដែលមនុស្សភាគច្រើន ចូលចិត្ត ប៉ុន្តែគិតថា ញៀន។ ទោះជាយ៉ាងណា ការញៀនកាហ្វេ គឺជាការញៀនល្អ ហើយមិនមានចំណុចអាក្រក់ច្រើននោះទេ។ សារជាតិកាហ្វេអ៊ីន មានឥទ្ធិពលល្អ គួរឱ្យកត់សម្គាល់ សម្រាប់ការពង្រឹងសុខភាព និងប្រឆាំងជំងឺផ្សេងៗជាច្រើន។ អ្នកជំងឺខ្លាញ់រុំថ្លើម និងអ្នកជំងឺគ្រួសក្នុងថង់ទឹកប្រមាត់ អ្នកគួរដឹង និងទាញយកអត្ថប្រយោជន៍ពីការទទួលទានកាហ្វេ។
អត្ថប្រយោជន៍ទូទៅរបស់កាហ្វេ សម្រាប់សុខភាព៖
១. កាត់បន្ថយហានិភ័យ ជំងឺមេតាបូលីស
២. ការពារប្រព័ន្ធប្រសាទ (មុខងារខួរក្បាល)
៣. ការពារសរសៃឈាមបេះដូង
៤. ប្រឆាំងជំងឺមហារីក
៥. ជួយឱ្យអត់ឃ្លានអាហារ
៦. កាត់បន្ថយបញ្ហារលាក
៧. ជួយដល់ជំងឺខ្លាញ់រុំថ្លើម៖
- កាហ្វេអាចបង្កើនប្រសិទ្ធភាព នៃការបំបែកអាស៊ីតជាតិខ្លាញ់ ជាពិសេសជាតិខ្លាញ់ក្នុងថ្លើម
- វាអាចជួយកាត់បន្ថយជាតិខ្លាញ់ ក្នុងបរិវេណថ្លើម
៨.. ជួយដល់ជំងឺគ្រួសក្នុងថង់ទឹកប្រមាត់
- កាហ្វេអាចជួយឱ្យប្រមាត់ បង្កើនការផលិតទឹកប្រមាត់ ច្រើនជាងមុន
- នៅពេលទឹកប្រមាត់ ត្រូវបានផលិត កាន់តែច្រើន វាធ្វើឱ្យទឹកប្រមាត់មានសភាពថ្លា និងគ្មានដុំកំណកកូឡេស្តេរ៉ូល (Cholesterol Crystals) ដែលអាចនាំឱ្យកើតមានដុំគ្រួស
- ម្យ៉ាងទៀត កាហ្វេអាចជួយបង្កើនមុខងារ ទាញយកដុំគ្រួស (Contraction of Gallbladder) ដែលក្នុងនោះទឹកប្រមាត់ ដំណើរការជាមួយអាហារ ទាញយកដុំគ្រួសចេញ
ប្រភព៖ Dr. Eric Berg DC II
រក្សាសិទ្ធិ©ដោយ៖ ពេទ្យយើង