ទឹកខ្ទឹមស ១ថ្ងៃ ១កែវ បង្ការជំងឺបេះដូង និងដាច់សរសៃឈាម
ខ្ទឹមស និងទឹកខ្ទឹមស ជាប្រភេទអាហារ ឬភេសជ្ជៈល្អ សម្រាប់សុខភាព ជាពិសេសមុខងារបេះដូង។ ក៏ប៉ុន្តែវាមិនសូវត្រូវបានគេប្រើប្រាស់ជាឱសថច្រើនប៉ុន្មាននោះទេ។ នោះប្រហែលជាមនុស្សជាច្រើន មិនសូវដឹងពីអត្ថប្រយោជន៍របស់វា។ ទាំងនេះជាអត្ថប្រយោជន៍សម្រាប់សុខភាព របស់ទឹកខ្ទឹមស ដែលវេជ្ជបណ្ឌិតជំនាញរបស់សហរដ្ឋអាមេរិក បានណែនាំ៖
១. ប្រឆាំងនឹងវីរុស៖
- ល្អសម្រាប់ព្យាបាលជំងឺផ្ដាសាយ ក្នុងដំណាក់កាលដំបូងៗ
២. ប្រឆាំងនឹងមេរោគ និងបាក់តេរីឆ្លង៖
- ក្នុងនាទីប្រឆាំងនឹងការឆ្លង វាមានមុខងារហាក់ដូចជា អង់ទីប៊ីយោទិចផងដែរ
៣. ជួយដល់ជាតិស្ករក្នុងឈាម៖
- បន្ទាបអាំងស៊ុយលីន និងបង្កើនការប្រឆាំងនឹងអាំងស៊ុយលីន៖
- ប្រឆាំងជំងឺខ្លាញ់រុំថ្លើម
៤. ប្រឆាំងជំងឺមហារីក៖
- ជួយព្យាបាលបញ្ហារលាក
៥. បង្កើនថាមពល
៦. ជួយដល់សុខភាពសរសៃបេះដូង
ការសិក្សាជាង ៤៣ប្រភេទ បានរកឃើញពីអត្ថប្រយោជន៍របស់ខ្ទឹមស ទៅលើបេះដូង។ ខ្ទឹមស អាចកាត់បន្ថយហានិភ័យជំងឺគាំងបេះដូង និងជំងឺដាច់សរសៃឈាម បានលើស ៥០% តាមរយៈ៖
១. បន្ថយបរិមាណកាលស្យូម ក្នុងរាងកាយ
២. ជួយឱ្យរាងកាយបង្កើតទឹកប្រមាត់ ច្រើនជាងមុន
៣. បន្ថយកម្រិតកូឡេស្តេរ៉ូល
៤. បន្ថយការកកឈាម ឬការតឹងសរសៃឈាម
៥. ប្រឆាំង Infective Endocarditis៖ Infective Endocarditis គឺជាការឆ្លងបាក់តេរី ចូលក្នុងចរន្តឈាម ហើយបាក់តេរីស្នាក់នៅក្នុងស្រទាប់បេះដូង សន្ទះបេះដូង ឬសរសៃបេះដូង ដែលអាចបង្កបញ្ហាជាច្រើន ទៅលើបេះដូង។
វិធីធ្វើទឹកខ្ទឹមស ដែលមានប្រសិទ្ធភាព ផ្អែកតាមវេជ្ជបណ្ឌិតជំនាញ៖
ទី១៖ ដំបំបែកខ្ទឹមស មួយដុំ
ទី២៖ ដាក់ចូលទឹក បរិមាណ ២៣៧ ទៅ ៣៥៥ មីលីលីត្រ
ទី៣៖ ថែមប្រេងអូលីវព្រហ្មចារី (Extra Virgin Olive Oil) ១ ស្លាបព្រាកាហ្វេ
ទី៤៖ ទុកចោលរយៈពេល ១៥នាទី ដើម្បីឱ្យសារធាតុទាំងនេះ ចូលគ្នាតែមួយ
អ្នកអាចទទួលទានទឹកខ្ទឹមសនេះ ជាប្រចាំ ឬអ្នកអាចទទួលទានខ្ទឹមស ដោយបន្ថែមខ្ទឹមស ក្នុងអាហារផ្ទាល់។ ក៏ប៉ុន្តែគេត្រូវប្រយ័ត្ននូវខ្ទឹមស ដែលមានផ្ទុកសារធាតុគីមីមួយចំនួន ឬកសិករប្រើទឹកមិនល្អ សម្រាប់ធ្វើជាជីដាំដុះ៕
ប្រភព៖ Dr. Eric Berg DC II https://www.youtube.com/c/DrEricBergDC
រក្សាសិទ្ធិ©ដោយ៖ ពេទ្យយើង