មូលហេតុបង្កការឈឺជើង ដែលមនុស្សទូទៅ មិនសូវដឹង
ជាទូទៅ នៅពេលអ្នកឈឺជើង អ្នកតែងគិតថា វាបង្កដោយបញ្ហាធម្មតាទូទៅ ដូចជា ប្រើប្រាស់ជើងច្រើនពេក របួស (សន្លាក់ ឆ្អឹង សាច់ដុំ សរសៃចង សរសៃពួរ ឬជាលិកាផ្សេងៗ)។ ក៏ប៉ុន្តែមានកត្តាស៊ីជម្រៅតូចៗមួយចំនួន ដែលជាមូលហេតុបង្កការឈឺជើងផងដែរ។ ចង់ស្វែងយល់លម្អិត សូមចុចក្នុងលីងខាងក្រោម ដើម្បីអានបង្កើនការយល់ដឹង។
កត្តាផ្សេងៗ ដែលនាំឱ្យអ្នកឈឺជើង៖
១. Lactic Acidosis (រោគសញ្ញាជើងមិនសម្រាក)៖
វាជាអាការៈ ដែលជើងរបស់អ្នកមានអាស៊ីត Lactic ច្រើនពេក។ អាស៊ីតនេះ បានមកពីសារជាតិកាបូអ៊ីដ្រាត និងជាតិស្ករ នៅរបបអាហារ ហើយផ្ទុយទៅវិញ អ្នកអាចខ្វះវីតាមីន B1 ធ្ងន់ធ្ងរ។ នោះវានាំឱ្យអ្នកមានជាតិអាស៊ីតខ្ពស់ ប៉ុន្តែខ្វះអុកស៊ីសែន ដែលធ្វើឱ្យជើងមិនសម្រាក (Restless Leg Syndrome)។ រោគសញ្ញាជើងមិនសម្រាក រើឡើងខ្លាំង នៅពេលយប់ ដែលជាលទ្ធផលអ្នកប្រឈមនឹងការឈឺជើង។
២. ឈឺសរសៃ Sciatica (Sciatica Pain)៖
វាជាអាការៈមួយ ដែលអ្នកមានឈឺចាប់សរសៃ Sciatica។ នោះមានន័យថា សរសៃសាច់ដុំ ភ្ជាប់ពីត្រកាកទៅជើង មានការរលាក ឬបង្កការឈឺចាប់។ ការរលាកសរសៃនេះ អាចបង្កឡើងដោយការទទួលទាន (១) អាស៊ីតខ្លាញ់អូមេហ្គា ៣ បរិមាណច្រើន (២) ប្រេងសណ្ដែក (៣) ប្រេងពោត និង (៤) កាបូអ៊ីដ្រាតចម្រាញ់។
៣. ស្ទះសរសៃឈាមជើង (Intermittent Claudication)៖
រោគសញ្ញាទូទៅរបស់អាការៈនេះ គឺនៅពេលអ្នកហាត់ប្រាណ ជើងរបស់អ្នក អាចមានអាការៈ (១) ស្ពឹក (២) ត្រជាក់ និង (៣) ខ្សោយ។ ចរន្តឈាមនៅក្នុងជើង ថយចុះ រហូតដល់អ្នកប្រឈមនឹង (១) ការជ្រុះរោមជើង ឬ (២) ជើងមានស្បែកភ្លឺចាំង។ អាការៈនេះ កាន់តែពិបាកឡើង នៅពេលអ្នកឡើងទួលចោត ឬរត់ ព្រោះជើងរបស់អ្នក គ្មានអុកស៊ីសែនគ្រប់គ្រាន់។
៤. កម្រិតវីតាមីន D មិនគ្រប់គ្រាន់៖
កង្វះវីតាមីន D អាចបង្កការឈឺចាប់នៅជើង ឬរមួលសាច់ដុំជើង នៅពេលយប់។ កង្វះវីតាមីន D ក៏អាចបង្ក (១) ការរលាកចង្កេះផ្នែកខាងក្រោម (២) បញ្ហាសរសៃចង្កេះ ឬអាងត្រគាក និង (៣) ការវៀចឆ្អឹងខ្នង។ល។
៥. ជំងឺទឹកនោមផ្អែម៖
ជំងឺទឹកនោមផ្អែម បង្កកត្តាមួយចំនួន ដែលប៉ះពាល់ដល់សរសៃទូទាំងដងខ្លួន។
៦. បាតជើង មានបាតរាបស្មើ៖
ប្រសិនបើអ្នកមានបាតជើងរាបស្មើ អ្នកប្រឈមនឹងបញ្ហាឈឺជើងដូចគ្នា។
៧. របួសចាស់៖
ប្រសិនបើអ្នកធ្លាប់មានរបួស នៅបរិវេណជើង ជង្គង់ ឬប្រអប់ជើងពីមុនមក អ្នកអាចប្រឈមនឹងការឈឺជើង នាពេលក្រោយ។
៨. ហ្វឹកហាត់ខ្លាំងពេក៖
ប្រសិនបើអ្នកហាត់ប្រាណ ឬធ្វើចលនាខ្លាំងពេក និងញឹកញាប់ពេក សាច់ដុំ និងសរសៃអាចនឹងសម្រាកមិនគ្រប់គ្រាន់ ដែលធ្វើឱ្យខ្សោយសាច់ដុំ។ ប្រសិនបើអ្នកខ្វះវីតាមីន E សូដ្យូម និងអូមេហ្គា ៣ វាក៏អាចជំរុញឱ្យសាច់ដុំខុះខ្សោយ ឆាប់រហ័សផងដែរ។
៩. អាការៈ Stenosis៖
វាជាអាការៈមួយ កើតឡើងនៅពេលខួរឆ្អឹងខ្នងមានបរិវេណ (Space) តូចពេក ដែលបង្កឱ្យស្ទះក្នុងខួរឆ្អឹងខ្នង។ ជាលទ្ធផល វាបង្កឱ្យសរសៃចងឡើងក្រាស់ និងមានបញ្ហារលាក នាំឱ្យឈឺជើង៕
ប្រភព៖ Dr. Eric Berg DC II https://www.youtube.com/c/DrEricBergDC
រក្សាសិទ្ធិ©ដោយ៖ ពេទ្យយើង