វីរុសប្រភេទថ្មី ត្រូវបានរកឃើញនៅវូហាន ប្រទេសចិន ដែលជាកន្លែងកើតកូវីដ លើកដំបូង

មេរោគប្រភេទថ្មីមួយទៀត ត្រូវបានរកឃើញ ដោយវិទ្យាស្ថានរោគវិទ្យា វូហាន (Wuhan Institute of Virology) នៅក្នុងសត្វកណ្ដុរ។ គេបានដាក់ឈ្មោះវីរុសនោះថា LsPyV KY187។

វីរុសថ្មីនេះ ជាអម្បូរវីរុស Polyomavirus ដែលបានឆ្លងលើ​ក្មេង ចំនួនរាប់លាននាក់ ក្នុង ១ឆ្នាំៗ ក៏ប៉ុន្តែអាការៈរបស់ការឆ្លងវីរុស​នេះ គឺស្រាលនោះទេ។ ព្រោះតែវីរុសនេះ ជាវីរុសថ្មី មិនទាក់ទងនឹងប្រភេទវីរុសផ្សេង។ អ្នកស្រាវជ្រាវមិនដឹងច្បាស់ អំពីឥទ្ធិពលរបស់វាលើមនុស្សនៅឡើយ។ ដូចនេះ អ្នកវិទ្យាសាស្ត្រ ត្រូវការពេលសិក្សាបន្ត។

គួរកត់សម្គាល់ថា នេះមិនមែនជាលើកទីមួយនោះទេ ដែលអ្នកជំនាញ បានរកឃើញវីរុសថ្មីៗ នៅទីក្រុងវូហាន។ ក្នុងនោះ រួមមានវីរុសកូរ៉ូណា ឬកូវីដ១៩ ដែលបានលេចចេញពីផ្សារលក់សាច់ឆៅ នៅវូហានផ្ទាល់។

អ្នកជំនាញអន្តរជាតិមួយចំនួន ក៏បានធ្វើសម្មតិកម្មថា ការលេចឡើងនូវវីរុសកូវីដ១៩ គឺជាការលេចធ្លាយវីរុស ចេញពីបន្ទប់ពិសោធន៍ ក្នុងទីក្រុងវូហាន។ ទោះជាយ៉ាងណា គំនិតនេះ ត្រូវបានច្រានចោលដោយផ្ទាល់​ពីសំណាក់សាធារណរដ្ឋប្រជាមានិតចិន ព្រោះតែគ្មានភស្តុតាងជាក់លាក់ និងត្រឹមត្រូវ ស្របតាមការលើកឡើងនោះទេ៕

ប្រភព៖ Daily Mail II https://www.dailymail.co.uk/home/index.html

រក្សាសិទ្ធិ©ដោយ៖ ពេទ្យយើង