គ្រោះទឹកជំនន់ បង្កជំងឺអ្វីខ្លះ?
កាលពីថ្មីៗនេះ មានគ្រោះទឹកជំនន់យ៉ាងធំ មិនធ្លាប់មានក្នុងរយៈពេល ៨០ឆ្នាំ ក្នុងប្រទេសកូរ៉េខាងត្បូង ដែលបង្កការខូចខាតអាគារ លំនៅដ្ឋាន និងប៉ះពាល់អាយុជីវិតជាង ១០នាក់ រួមទាំងមានអ្នករបួសជាច្រើនថែមទៀត។ នៅក្រុងព្រះសីហនុ និងតំបន់មួយចំនួនទៀត នៅក្នុងព្រះរាជាណាចក្រកម្ពុជាយើង ក៏ដូចគ្នា កាលពីសប្ដាហ៍មុន និងបន្តដល់សប្តាហ៍នេះ បានជួបប្រទះភ្លៀងធំ និងទឹកជំនន់ផងដែរ។ ក្រៅពីការខូចខាត និងបាត់បង់ទាំងនេះ គ្រោះទឹកជំនន់ នាំមកនូវគុណវិបត្តិ ក្នុងនោះ មានជំងឺមួយចំនួន ដល់ប្រជាពលរដ្ឋ ដែលទទួលរងគ្រោះ។ តើមានជំងឺអ្វីខ្លះ ដែលបង្កដោយទឹកជំនន់?
ជំងឺ ដែលអាចកើតមាន បណ្ដាលដោយគ្រោះទឹកជំនន់៖
១. ឆ្លងមេរោគតាមប្រព័ន្ធផ្លូវដង្ហើម៖
ការឆ្លងមេរោគក្នុងប្រព័ន្ធដង្ហើម អាចប៉ះពាល់លើឆ្អឹងស៊ីនីស (រន្ធឆ្អឹងច្រមុះ) បំពង់ក សួត ឬបំពង់ខ្យល់។ ការឆ្លងមេរោគតាមប្រព័ន្ធដង្ហើម មានពីរប្រភេទគឺ៖
- ឆ្លងមេរោគផ្លូវដង្ហើមខាងលើ៖
- ជំងឺផ្ដាសាយធម្មតា (Common Cold)
- រលាកកន្លើតសន្ទះខ្យល់ (Epiglottitis)
- រលាកបំពង់ក (Laryngitis)
- ឈឺបំពង់ក (Pharyngitis ឬ Sore Throat)
- រលាកឆ្អឹងស៊ីនីស (Sinusitis)
- ឆ្លងមេរោគផ្លូវដង្ហើម ខាងក្រោម៖
- ជំងឺរលាកទងសួត (Bronchitis និង Bronchiolitis)
- ឆ្លងមេរោគក្នុងទ្រូង (Chest Infection)
- ជំងឺរលាកសួត (Pneumonia)
២. ការឆ្លងមេរោគក្នុងពោះវៀន៖
- ជំងឺរលាកក្រពះពោះវៀន Norovirus
- ជំងឺរាករូស
- ឆ្លងមេរោគរលាកថ្លើម ប្រភេទ A
- ឆ្លងមេរោគរលាកថ្លើម ប្រភេទ E
៣. ជំងឺបង្កដោយសត្វមូស៖
- ជំងឺគ្រុនឈាម (Dengue Fever)
- ជំងឺគ្រុនឈីក (Chikunguya)
- ជំងឺគ្រុនក្ដៅច្រើនប្រភេទ ទៅតាមតំបន់ផ្សេងៗ
៤. ជំងឺបង្កដោយសត្វកកេរ (កណ្ដុរ ឬកំប្រុក)៖
- ការឆ្លងមេរោគ ក្នុងកោសិកាឈាមក្រហម តាមរយៈចៃឆ្កែខាំ (Babesiosis)
- ជំងឺក្ដៅខ្លួនច្រើនប្រភេទ ទៅតាមតំបន់ផ្សេងៗ
- ជំងឺ Lyme
ប្រភព៖ NIH II https://www.ncbi.nlm.nih.gov/, Cleveland Clinic II https://my.clevelandclinic.org/, CDC II https://www.cdc.gov/
រក្សាសិទ្ធិ©ដោយ៖ ពេទ្យយើង