ស្វែងយល់ពីវ៉ាក់សាំងមហារីកស្បូន
ជំងឺមហារីកស្បូន មានវ៉ាក់សាំងបង្ការ ដែលមានឈ្មោះថា វ៉ាក់សាំង HPV។ វេជ្ជបណ្ឌិតប្រើវ៉ាក់សាំង HPV ដើម្បីចាក់ប្រឆាំងជំងឺមហារីកស្បូន ហើយវាក៏អាចបង្ការជំងឺមហារីកជាច្រើនប្រភេទ ដែលបង្កដោយមេរោគ HPV ផងដែរ។ ដើម្បីស្វែងយល់ពីវ៉ាក់សាំងនេះ សូមអានអត្ថបទនេះលម្អិត។
វ៉ាក់សាំង HPV អាចបង្ការជំងឺមហារីកទាំងឡាយ ដែលបង្កដោយមេរោគ HPV។ មេរោគ HPV អាចបង្កជំងឺមហារីកជាច្រើនប្រភេទ រួមមាន៖
១. មហារីកមាត់ស្បូន ស្បូន និងទ្វារមាសរបស់ស្ត្រី
២. មហារីកលិង្គរបស់មនុស្សប្រុស
៣. មហារីករន្ធបាតរបស់ស្ត្រី និងបុរស
៤. មហារីកផ្នែកខាងក្រោយនៃបំពង់ករបស់ស្ត្រី និងបុរស
ចំពោះការឆ្លងមេរោគ HPV មនុស្សអាចវិវត្តជំងឺមហារីក ក្នុងរយៈពេលច្រើនឆ្នាំ ឬច្រើនទសវត្សរ៍ក្រោយ។ ដូចនេះ វាជារឿងពិបាកក្នុងការតាមដាន ឬរំពឹងទុកមុននូវរោគសញ្ញារបស់ជំងឺមហារីក។
តើអ្នកគួរទទួលវ៉ាក់សាំង HPV នៅពេលណា?
១. កុមារ៖
- កុមារអាយុ ១១ឆ្នាំ ទៅ ១២ឆ្នាំ គួរចាក់ ២ដូស ដែលមានគម្លាត ៦ខែ ទៅ ១២ខែពីដូសនិមួយៗ។
- កុមារអាយុចាប់ពី ១៥ឆ្នាំឡើងទៅ គួរចាក់ ៣ដូស គម្លាត ៦ខែពីដូសនិមួយៗ។
២. ក្មេងជំទង់ និងមនុស្សវ័យជំទង់៖
- មនុស្សដែលមានអាយុត្រឹម ២៦ឆ្នាំ គួរចាក់វ៉ាក់សាំង HPV ប្រសិនបើមិនទាន់ចាក់។
- គួរចាំថា វ៉ាក់សាំង HPV មិនត្រូវបានណែនាំឱ្យមនុស្ស ដែលមានអាយុលើស ២៦ឆ្នាំឡើងទៅ ចាក់នោះទេ។ មូលហេតុ គឺវាអាចនឹងគ្មានប្រសិទ្ធភាព ដោយសារនេះ ជាវ័យដែលពួកគាត់ អាចឆ្លងមេរោគ HPV រួចមកហើយ ក្នុងជីវិត។
ផលប៉ះពាល់ ដែលអាចកើតមាន៖
១. ឈឺចាប់ មានស្នាមក្រហម ឬហើមនៅបរិវេណដៃចាក់
២. វិលមុខ ឬសន្លប់
៣. ចង្អោរ
៤. ឈឺក្បាល
ប្រភព៖ CDC II https://www.cdc.gov/ & NHS II https://www.nhs.uk/
រក្សាសិទ្ធិ©ដោយ៖ ពេទ្យយើង