មូលហេតុបង្កការឈឺខ្នងផ្នែកខាងលើ
តើអ្នកធ្លាប់ឈឺខ្នងផ្នែកខាងលើ ដែរ ឬទេ? តើវាបង្កដោយមូលហេតុអ្វី? វាមិនអាចឈឺដោយឯកឯងនោះទេ។ មូលហេតុទូទៅនៃការឈឺចាប់នៅបរិវេណនេះ គឺឥរិយាបថដងខ្លួនមិនល្អ ឬសាច់ដុំតានតឹងពេក។ ប៉ុន្តែមូលហេតុបង្ក មានច្រើនទៀត ដែលអ្នកប្រហែលជាមិនដឹងនោះទេ ហើយវាអាចទាក់ទងនឹង ជំងឺមហារីកមួយប្រភេទ។ សូមអានអត្ថបទនេះ លម្អិត។
កត្តាបង្កការឈឺខ្នងផ្នែកខាងលើ៖
១. ឈឺសាច់ដុំ បណ្ដាលមកពីឥរិយាបថ មិនល្អ
២. សាច់ដុំធ្វើចលនាខ្លាំងពេក ធ្វើឱ្យសាច់ដុំកៀប ឬភាពតានតឹង
៣. ទទួលរងការប៉ះទង្គិច ឬរបួស
៤. កៀបសរសៃឆ្អឹងខ្នង
៥. កៀបសរសៃប្រសាទ
៦. ជំងឺរលាកសន្លាក់ឆ្អឹង
៧. ឈឺជាលិកាភ្ជាប់នៅខ្នង
៨. ឆ្លងមេរោគនៅឆ្អឹងខ្នង
៩. ជំងឺមហារីកសួត
វិធីបង្ការការឈឺខ្នងផ្នែកខាងលើ៖
១. ប្រសិនបើអង្គុយ ឬសម្រាក អ្នកគួរឧស្សាហ៍ផ្លាស់ប្ដូរសកម្មភាព ដូចជា លាតសាច់ដុំ ឬធ្វើចលនាសាច់ដុំ ក្នុងចលនាផ្សេងៗ។
២. កុំអង្គុយធ្វើការយូរពេក។ គួរសម្រាកសម្រួលសាច់ដុំខ្លះ។
៣. គួរចំណាយប៉ុន្មាននាទី ពត់សរសៃសាច់ដុំ ឬកម្ដៅសាច់ដុំ មុនធ្វើសកម្មភាពណាមួយ។
៤. មនុស្សដែលលើកទម្ងន់ធ្ងន់ៗ គួរជៀសវាង ការបត់សាច់ដុំខ្នង ឬការលើកដោយប្រើខ្នង។
៥. ម៉ាស្សាសាច់ដុំ ឱ្យបានញឹកញាប់ ដើម្បីសម្រួលភាពតានតឹង។
៦. ជៀសវាងការស្ពាយកាតាប ឬសម្ភារៈធ្ងន់ៗ នៅលើខ្នង។
៧. រក្សាឥរិយាបថល្អ គ្រប់ពេល (ដើរ ឬអង្គុយ មានដងខ្លួនត្រង់)
ប្រភព៖ Medical News Today II https://www.medicalnewstoday.com/
រក្សាសិទ្ធិ©ដោយ៖ ពេទ្យយើង