មានរោគសញ្ញាទាំងនេះ ថ្លើមអាចមានជាតិពុល
ថ្លើមរបស់អ្នក អាចប្រឈមនឹងការកើតមានបញ្ហាជាច្រើន។ ជំងឺជាតិពុលក្នុងថ្លើម (Hepatotoxicity) គឺជាជំងឺថ្លើមមួយប្រភេទ ដែលអាចបង្ករោគសញ្ញាធ្ងន់ធ្ងរ ឬធ្វើឱ្យខូចថ្លើម ប្រសិនបើអ្នកមិនយកចិត្តទុកដាក់។ តើអ្នកចង់ដឹងថា វាបង្កដោយមូលហេតុអ្វី និងមានរោគសញ្ញាបែបណានោះទេ? សូមអានអត្ថបទនេះលម្អិត។
មូលហេតុបង្ក និងកត្តាប្រឈម៖
១. ការប្រើថ្នាំវេជ្ជសាស្ត្រ ជាច្រើនប្រភេទ
២. ការប្រើថ្នាំគីមី ព្យាបាលជំងឺមហារីក
៣. អាហារបំប៉នធ្វើពីរុក្ខជាតិ មួយចំនួន
៤. ការប្រឈមនឹងសារធាតុពុល
៥. អ្នកទទួលទានជាតិអាល់កុល ក្នុងពេលអ្នកទទួលទានថ្នាំវេជ្ជសាស្ត្រ
រោគសញ្ញា៖
១. ក្ដៅខ្លួន
២. រាករូស
៣. ទឹកនោមក្រម៉ៅ
៤. រមាស់
៥. មានជំងឺខាន់លឿង
៦. ឈឺក្បាល
៧. មិនឃ្លានអាហារ
៨. ក្អួតចង្អោរ
៩. ឈឺពោះ
១០. ស្រកទម្ងន់
១១. លាមកមានពណ៌ស ឬប្រផេះ
រោគវិនិច្ឆ័យ៖
១. តេស្តឈាម
២. ពិនិត្យអ៊ុលត្រាសោន
៣. ពិនិត្យ CT ស្កេន
៤. ធ្វើកោសល្យវិច័យថ្លើម (កាត់យកជាលិកាថ្លើម)
វិធីព្យាបាល៖
១. បញ្ឈប់កត្តាបង្កដូចជា (១) ថ្នាំវេជ្ជសាស្ត្រមួយចំនួន (២) អាហារបំប៉នរុក្ខជាតិ និងសារធាតុពុលមួយចំនួន និង (៣) គ្រឿងស្រវឹង។
២. ប្រើថ្នាំប្រឆាំងទល់នឹង ថ្នាំ Acetaminophen
៣. ទទួលការពិនិត្យ និងព្យាបាលនៅមន្ទីរពេទ្យ ឬគ្លីនិក
៤. វះកាត់ផ្លាស់ប្ដូរថ្លើម (ករណីធ្ងន់ធ្ងរ)
វិធីបង្ការ៖
១. ប្រើថ្នាំវេជ្ជសាស្ត្រណា ដែលចាំបាច់ និងមានការណែនាំពីវេជ្ជបណ្ឌិតជាក់លាក់
២. កុំទទួលទានអាហារបំប៉ន ដែលមានសារជាតិ ដែលអាចបំពុលថ្លើម
៣. ប្រសិនបើអ្នកប្រើថ្នាំ Acetaminophen ច្រើន សូមកុំផឹកជាតិអាល់កុល
៤. អនុវត្តវិធីសុវត្ថិភាព ឱ្យបានល្អត្រឹមត្រូវ នៅពេលប្រឈមនឹងសារធាតុពុល គីមី
ប្រភព៖ WebMD II https://www.webmd.com/ & Mayo Clinic II https://www.mayoclinic.org/
រក្សាសិទ្ធិ©ដោយ៖ ពេទ្យយើង