ស្វែងយល់ ពីការតេស្តពិនិត្យ មុខងារសួត
ការធ្វើតេស្តពិនិត្យមុខងារសួត (Pulmonary function tests) ជាប្រភេទតេស្តច្រើនវិធី ប្រើសម្រាប់តេស្តពិនិត្យមើលថា មុខងាររបស់សួត ដំណើរការល្អបែបណា។ តេស្តនេះ ដើម្បីវាស់បរិមាណខ្យល់ ដែលសួត អាចរក្សាផ្ទុកបាន។ ម្យ៉ាងទៀត គឺវាវាស់មើលថា មនុស្សម្នាក់ អាចប្រើកម្លាំងបញ្ចេញខ្យល់ឱ្យអស់ពីសួតបានប៉ុណ្ណា។
វិធីតេស្តមុខងារសួត មានច្រើនប្រភេទ រួមមាន៖
១. Spirometry៖
- ថតពិនិត្យស្វែងរកជំងឺ ដែលប៉ះពាល់បរិមាណសួត
- ថតរកមើលជំងឺ ដែលប៉ះពាល់ដល់ផ្លូវដង្ហើម ដូចជា ជំងឺស្ទះផ្លូវដង្ហើមរ៉ាំរ៉ៃ (COPD) ឬជំងឺហឺត
២. វិធីតេស្តបរិមាណសួត ឬ Lung volume testing៖
- វាស់បរិមាណខ្យល់ នៅក្នុងសួត
- មានភាពច្បាស់លាស់ជាង Spirometry
៣. Diffusing Capacity៖
- តេស្តមើលថា អុកស៊ីសែន ចូលទៅក្នុងចរន្តឈាម បានងាយស្រួលប៉ុណ្ណា
៤. Exercise Testing៖
- តេស្ត ដើម្បីផ្ដល់ជំនួយ ដល់ការវិភាគមូលហេតុបង្កបញ្ហាដង្ហើមខ្លី
៥. វីធីតេស្តផ្សេងៗ សម្រាប់ស្វែងរកជំងឺហឺត
តើអ្នកត្រូវរំពឹងអ្វីខ្លះ សម្រាប់ការធ្វើតេស្តមុខងារសួត?
១. ការធ្វើតេស្ត គ្មានការឈឺចាប់នោះទេ
២. ព្យាយាមដកដង្ហើមចេញចូល ឱ្យអស់ពីសមត្ថភាព ដើម្បីឱ្យផ្លូវដង្ហើុមបំពេញមុខងារបានពេញលេញ (នៅពេលធ្វើតេស្ត)
៣. ការធ្វើតេស្ត អាចធ្វើឡើងដដែលៗ ច្រើនដង ដើម្បីធានាភាពត្រឹមត្រូវនៃលទ្ធផល
៤. ក្រោយការធ្វើតេស្ត អ្នកគួរទទួលទានថ្នាំវេជ្ជសាស្ត្រ ជារៀងរាល់ថ្ងៃ
៥. ផ្ដាច់ជក់បារី រយៈពេលយ៉ាងតិច ៦ម៉ោង មុនធ្វើតេស្ត
៦. ប្រសិនបើអ្នកប្រើឧបករណ៍ជំនួយដង្ហើម ឬឧបករណ៍ហឺត អ្នកត្រូវផ្អាកប្រើរយៈពេល ៨ម៉ោង មុនធ្វើតេស្ត
៧. ធ្វើតាមការណែនាំរបស់អ្នកផ្ដល់សេវាសុខាភិបាល
តើវាមានហានិភ័យអ្វីដែរ ឬទេ?
ដើម្បីធ្វើតេស្តសួត អ្នកត្រូវយល់ និងធ្វើតាមការណែនាំឱ្យបានត្រឹមត្រូវ។ ផ្ទុយទៅវិញ សម្រាប់ការធ្វើតេស្តប្រភេទ Exercise Testing មនុស្សមួយចំនួន មិនគួរធ្វើតេស្តនោះទេ។ ក្រុមមនុស្សទាំងនោះ គឺមនុស្ស ដែលមាន៖
១. ជំងឺគាំងបេះដូង ឬជំងឺដាច់សរសៃឈាម ក្នុងរយៈពេល ៣ខែចុងក្រោយ
២. មានបញ្ហាសរសៃឈាម
៣. មានរបួសក្បាលធ្ងន់ធ្ងរ
៤. ទើបទទួលការវះកាត់ភ្នែកថ្មីៗ
៥. មានបញ្ហាច្របូកច្របល់ និងច្រឡំច្រើន
ប្រភព៖ American Lung Cancer II https://www.lung.org/
រក្សាសិទ្ធិ©ដោយ៖ ពេទ្យយើង