WHO កំពុងពិចារណាប្រកាសពីជំងឺអុតស្វា ជាបញ្ហាសុខភាពអាសន្នសកល

ក្នុងកិច្ចប្រជុំបន្ទាន់មួយ កាលពីថ្ងៃព្រហស្បតិ៍ ទី២៣ ខែមិថុនា ឆ្នាំ២០២២ អង្គការសុខភាពពិភពលោក (WHO) បាន និងកំពុង​ពិចារណា ​​អំពី​​ការ​​ប្រកាស​​​ជំងឺ​​រាត​ត្បាត Monkeypox ជាជំងឺ​បញ្ហា​សុខភាព​អាសន្ន​សកល។

ការប្រកាសនេះ មានន័យថា WHO កំណត់ជំងឺអុតស្វាជាជំងឺ ដែលមានហានិភ័យខ្ពស់ អាចរាតត្បាតទៅប្រទេសជាច្រើនទៀត​។ ប្រទេស​អភិវឌ្ឍន៍​ជាច្រើន​ ជា​ទិស​ដៅ​លេខមួយ​​នៃ​ជំងឺ​អុត​ស្វា​ ព្រោះ​​​ករណី​​​​អុតស្វា កើត​​មា​ន​​ច្រើន​​​​បំផុត នៅ​ប្រទេស​ទាំងនោះ​​។​

អ្នក​វិទ្យា​សាស្ត្រ​​ជាច្រើន​ មានសង្ស័យ និងមិនសូវទុកចិត្តនោះទេ​ថា ការប្រកាសណាមួយ អាចធ្វើឱ្យមេរោគនេះ អន់ថយការរាត​ត្បាត។ អ្នកវិទ្យាសាស្ត្រ​មិនទាន់រកឃើញ បម្រែបម្រួលហ្សែនរបស់មេរោគនេះ ដែលគួរឱ្យចាប់អារម្មណ៍នោះទេ។ ប៉ុន្តែទីប្រឹក្សារបស់ WHO បានលើកឡើង កាលពីខែមុនថា កំណើនករណីអុតស្វានៅតំបន់អឺរ៉ុប មានទំនាក់ទំនងនឹងសកម្មភាពផ្លូវភេទ​របស់ក្រុមបុរសភេទទីបី នៅឯពិធីបុណ្យតន្ត្រីចំនួន២ នៅប្រទេសអេស្ប៉ាញ និងបែលហ្សិក។

យោងតាមមជ្ឈមណ្ឌលគ្រប់គ្រង និងបង្ការជំងឺរបស់សហរដ្ឋអាមេរិក ករណីជំងឺអុតស្វា បានកើនឡើងដល់ជាង ៣៣០០ករណី ក្នុង ៤២ប្រទេស។ ជាង ៨០% នៃករណីទាំងអស់ កើតមាននៅ​អឺរ៉ុប ខណៈពេលដែលទ្វីបអាហ្វ្រិករកឃើញជាង ១៤០០​ករណី ក្នុងឆ្នាំនេះ និងស្លាប់ ៦២ករណី៕

ប្រភព៖ VOA Learning English II https://learningenglish.voanews.com/

រក្សាសិទ្ធិ©ដោយ៖ ពេទ្យយើង