តើជំងឺមហារីកសួត បង្ករោគសញ្ញាបែបណា?
តើអ្នកដឹងទេថា មនុស្សដែលមានជំងឺមហារីកសួត មានរោគសញ្ញាអ្វីខ្លះ? ការយល់ដឹងអំពីរោគសញ្ញា អាចជួយការពារអាយុជីវិត និងការពារពីហានិភ័យធ្ងន់ធ្ងរ។ ប៉ុន្តែជំងឺមហារីកសួត ដំណាក់កាលដំបូង មិនបង្ហាញរោគសញ្ញានោះទេ។ នៅពេលចេញរោគសញ្ញា ភាគច្រើនវាចាប់ផ្ដើមលូតលាស់ខ្លាំង នៅលើសួត និងអាចឆ្លងទៅសរីរាង្គផ្សេងទៀត។
ជំងឺមហារីកសួត មាន ២ប្រភេទគឺ៖
១. ជំងឺមហារីកសួត កោសិកាតូច (Small Cell)៖ ជាប្រភេទដែលកាចសាហាវជាងគេ ព្រោះវាលូតលាស់ និងសាយភាយរហ័ស
២. ជំងឺមហារីកសួត កោសិកាមិនតូច (Non-small Cell)៖ ជាប្រភេទ ដែលកើតមានញឹកញាប់បំផុត
ឈ្មោះរបស់ប្រភេទទាំង ២នេះ ត្រូវបានគេដាក់ទៅតាមប្រភេទកោសិកា ក្នុងមហារីក និងរូបរាងរបស់វា ក្នុងមីក្រូស្កូប។
កត្តាប្រឈមនឹងការកើតជំងឺមហារីកសួត៖
១. ជក់បារី ឬទទួលផ្សែងបារី
២. ប្រឈមនឹងសារធាតុ Radon
៣. គ្រួសារ មានប្រវត្តិជំងឺមហារីកសួត
៤. ឆ្លងជំងឺ HIV
៥. ប្រឈមនឹងសារជាតិគីមី ដែលមានគ្រោះថ្នាក់
៦. ប្រឈមនឹងខ្យល់ពុល
រោគសញ្ញាជំងឺមហារីកសួត (ដំណាក់កាលដំបូង គ្មានរោគសញ្ញាទេ)៖
១. ក្អករ៉ាំរ៉ៃ
២. ឈឺចុកទ្រូង
៣. ពិបាកដកដង្ហើម
៤. ក្អកចេញឈាម
៥. ស្អកក
៦. លែងឃ្លានអាហារ
៧. ពិបាកលេបអាហារ
៨. ស្រកទម្ងន់
៩. អស់កម្លាំង
១០. ហើមមុខ ឬហើមក
ប្រភព៖ Nucleus Medical Media II https://www.youtube.com/c/NucleusMedicalMedia
រក្សាសិទ្ធិ©ដោយ៖ ពេទ្យយើង