ស្វែងយល់ពីជំងឺស្លេកស្លាំង បង្កដោយជំងឺក្រលៀនរ៉ាំរ៉ៃ

នៅពេលអ្នកមានជំងឺស្លេកស្លាំង វាអាចបង្កដោយបញ្ហាសុខភាពមួយចំនួន ក្នុងនោះ រួមមាន ជំងឺក្រលៀនរ៉ាំរ៉ៃផងដែរ។ ជំងឺស្លេកស្លាំង គឺជាជំងឺ ដែលឈាមរបស់អ្នកគ្មាន​កោសិកាឈាមក្រហមគ្រប់គ្រាន់ សម្រាប់បញ្ជូនអុកស៊ីសែន ទៅរាងកាយ។ ជំងឺនេះ អាចបង្កដោយ​ជំងឺក្រលៀនរ៉ាំរ៉ៃ។

ជាធម្មតា ក្រលៀនបង្កើតអរម៉ូន ឈ្មោះថា Erythropoietin ដែលជាអរម៉ូន​ជួយខួរឆ្អឹង ក្នុងការបង្កើតកោសិកាឈាមក្រហមថ្មី។ ប៉ុន្តែប្រសិនបើក្រលៀនខូច វាបង្កើនអរម៉ូននេះ មិនគ្រប់គ្រាន់នោះទេ។ នោះវានាំឲ្យខួរឆ្អឹង​​ផលិតកោសិកាឈាមក្រហម មិនគ្រប់គ្រាន់ដូចគ្នា និងបង្កជំងឺស្លេកស្លាំង ដោយសារជំងឺក្រលៀនរ៉ាំរ៉ៃ ឬជាភាសាអង់គ្លេស «Chronic Kidney Disease (CKD) Anemia»។ ក្នុងបញ្ហានេះ សរីរាង្គ និងជាលិកាផ្សេងៗ ដំណើរការមិនបានល្អ ដូចប្រក្រតីនោះទេ។ ​

ទាំងនេះ ជាវិធីព្យាបាល ជំងឺស្លេកស្លាំង បង្កដោយជំងឺក្រលៀនរ៉ាំរ៉ៃ៖

១. វិធីប្រើថ្នាំជំរុញឱ្យខួរឆ្អឹង ផលិតកោសិកាឈាមក្រហម (Erythropoietin Stimulating Agents)

២. បំប៉នជាតិដែក៖ វិធីបំប៉ន រួមមាន ការលេបសារជាតិបំប៉ន និងការចាក់បញ្ចូល។

៣. ការបញ្ចូលឈាម៖ សម្រាប់ករណីស្លេកស្លាំងធ្ងន់ធ្ងរ អ្នកជំងឺនឹងត្រូវគេចាក់បញ្ចូលឈាម រួមជាមួយជាតិដែក ដែលអាចបំប៉នឈាមបានយ៉ាងរហ័ស៕

ប្រភព៖ Nucleus Medical Media II https://www.youtube.com/c/NucleusMedicalMedia

រក្សាសិទ្ធិ©ដោយ៖ ពេទ្យយើង