៥ចំណុច ដែលអ្នកគួរដឹងអំពីការបំបៅដោះទារក

ការបំបៅដោះទារក ជាសារៈសំខាន់ទូទៅ ដែល​មាននាទី ដូចជាម៉ាស៊ីនផលិតអាហារ និងសារធាតុចិញ្ចឹម សម្រាប់ទ្រទ្រង់ជីវិត និងការលូតលាស់របស់ទារក។ ស្ត្រី ដែលទើបក្លាយជាម្ដាយ​លើកដំបូង ឬមិនសូវយល់ច្បាស់អំពី​ការបំបៅដោះទារក ឬមិនដឹងពីសារៈសំខាន់របស់វា​ ស្ត្រីគួរស្វែងយល់បន្ថែមអំពីការបំបៅដោះកូន។ ទាំងនេះ ជាចំណុចគួរយល់ដឹងចំនួន ៥ដែលស្ត្រីបំបៅដោះ និងមនុស្សទូទៅ គួរទទួលបាន។

នៅពេលអ្នកសម្រាលទារករួច និងចាប់ផ្ដើមបំបៅដោះទារក អ្នកនឹងជួបចំណុចទាំងនេះ៖

១. បន្ទាប់ពីសម្រាលទារករួច រាងកាយរបស់ស្ត្រី មានភាពរួចរាល់ ក្នុងការបំបៅដោះ ទៅទារកហើយ។ ទឹកដោះដំបូង មានពណ៌លឿង និងខាប់ៗ។ ទឹកដោះដំបូង មិនសូវចេញច្រើននោះទេ ប៉ុន្តែទារក ក៏ត្រូវការទឹកដោះក្នុងបរិមាណតិចផងដែរ។

២. ក្នុងអំឡុងពេលបំបៅដោះ ម្ដាយ និងទារកផលិតអុកស៊ីតូស៊ីន ក្នុងពេលតែមួយ។ វាជាអរម៉ូន ដែលជួយកាត់បន្ថយស្ត្រេស និងថប់បារម្ភ ដែលវាធ្វើឲ្យម្ដាយ និងទារកមានភាពស្និទ្ធស្នាល។

៣. ការបំបៅដោះទារក ជួយក្នុងការផលិតបាក់តេរីល្អៗ នៅក្នុងខ្លួនទារក។ នេះ ទារកអាចមានប្រព័ន្ធភាពស៊ាំ​ដ៏រឹងមាំ។

៤. ទឹកដោះម្ដាយមានផ្ទុកនូវអង្គការពារ ផលិតឡើង ដើម្បីជួយឲ្យទារក ប្រឆាំងនឹងមេរោគឆ្លង។

៥. នៅប៉ុន្មានថ្ងៃដំបូង ទារកបៅច្រើន នោះវាធ្វើឲ្យរាងកាយរបស់អ្នក ផលិតទឹកដោះកាន់តែច្រើនស្របគ្នា៕

ប្រភព៖ WHO II https://www.facebook.com/WHO/

រក្សាសិទ្ធិ©ដោយ៖ ពេទ្យយើង