ក្នុង ១ថ្ងៃ មនុស្សមាឌតូច គួរញ៉ាំស៊ុត ១-២គ្រាប់ មនុស្សមាឌធំ គួរញ៉ាំ ៣-៤គ្រាប់
ស៊ុតមានរសជាតិឆ្ងាញ់ ងាយចម្អិន ងាយទទួលទាន និងមានសារធាតុចិញ្ចឹមខ្ពស់។ វេជ្ជបណ្ឌិតជំនាញ បានណែនាំឱ្យអ្នកទទួលទានស៊ុតឱ្យបានច្រើន ដើម្បីបង្កើនសុខភាព ប៉ុន្តែមិនច្រើនពេកនោះទេ។
លោកវេជ្ជបណ្ឌិត Eric Berg បានលើកឡើងថា មនុស្ស ដែលមានមាឌតូច គួរទទួលទានស៊ុត ១ថ្ងៃ ២-៣គ្រាប់ ខណៈពេលដែលមនុស្សមាឌធំ គួរទទួលទាន ១ថ្ងៃ ៣-៤គ្រាប់។ ប៉ុន្តែប្រភេទស៊ុត ដែលមានគុណភាពល្អ គឺស៊ុតធម្មជាតិ មកពីស្រែចម្ការពិតៗ ដែលមាន់ទា គ្មានការឱ្យចំណីអាហារមិនល្អ ឬគេមិនបានបញ្ចូលសារជាតិ ដែលធ្វើឲ្យស៊ុតប្រែពណ៌។
ទាំងនេះ ជាអត្ថប្រយោជន៍ ដែលអ្នកអាចទទួលបានពីការទទួលទានស៊ុត៖
១. ប្រូតេអ៊ីន៖ មានសារៈសំខាន់ខ្ពស់ សម្រាប់ដំណើរការមុខងាររាងកាយ។
២. កូលីន៖ ល្អសម្រាប់ខួរក្បាល និងមាននាទីជាអំបិលធម្មជាតិក្នុងថ្លើម ដែលជួយបំបែកកូឡេស្តេរ៉ូល។ល។
៣. វីតាមីន K2៖ អាចរក្សាទុកកាល់ស្យូម នៅក្រៅសរសៃឈាម និងសន្លាក់។ល។
៤. វីតាមីន D៖ ជួយដល់អារម្មណ៍ និងកាត់បន្ថយជំងឺបាក់ទឹកចិត្ត។ល។
៥. វីតាមីន E៖ ល្អសម្រាប់បេះដូង និងស្បែក។ល។
៦. និងវីតាមីន A៖ ជួយសុខភាពភ្នែក និងជួយសុខភាពនៅពេលអាយុកាន់តែកើន។ល។
៧. វីតាមីន B (B1 B2 B6 និង B12)៖ ជួយបង្កើនថាមពល បំប៉នមុខងារខួរក្បាល និងសុខភាពកោសិកា។ល។
៨. អាស៊ីតខ្លាញ់អូមេហ្កា ៣៖ ជួយសុខភាពផ្លូវចិត្ត ភ្នែក ខួរក្បាល។ល។
៩. ជាតិរ៉ែ៖ ជួយដល់ការរំលាយអាហារ សុខភាពបេះដូង សុខភាពឆ្អឹង និងការបន្តពូជ។ល។
១០. ជាតិ Carotenoids៖ ជួយសុខភាពភ្នែក។ល។
ប្រភព៖
Dr. Eric Berg DC II Dr. Eric Berg DC - YouTube, Healthline II https://www.healthline.com/, Healthy Eating II https://healthyeating.sfgate.com/ &
រក្សាសិទ្ធិ©ដោយ៖ ពេទ្យយើង